isahluko 1 - UKZN ResearchSpace - University of KwaZulu-Natal

L: Ngephini
T: Yebo iphini
L: Phephetha
T: Uma uphephetha kwenzakalani?Amaphepha enze njani/
L: Ayaphephuka
Le nkulumo-mpendulwano yaqhubeka ibanga elide kodwa lapha ngithathe nje
ukukhombisa okwenzekayo lapho uthisha ekhuluma nabafundi bakhe ngomsindo
owethuliwe. Le nkulumo-mpendulwano engenhla iyakhombisa ukuthi umsindo
okugxilwe kuwo ngumsindo u ‘ph’ [ph]. Lokho kulandelwa ukuba uthisha bese edweba
izikhala ezinhlanu. Kulezi zikhala ezinhlanu ubhala onkamisa kuleso naleso sikhala.
Bayabafunda laba onkamisa. Emva kokuba bebafundile bebaphindaphinda uthisha ubhala
umsindo u ‘ph’ kuleso naleso sikhala ngezansi konkamisa. Lapho esekwenzile lokho
ucela abafundi ukuba bafunde lo msindo ka ‘ph’. Emva kwalokhu ufaka onkamisa
kulowo nalowo msindo oluhlamvu elingungwaqa, ukuze ubizeke kahle usunonkamisa
abehlukene, kube : pha, phe, phi, pho, phu.
Lokhu kwenza ukuthi izingane zibone ukusebenza konkamisa nalo msindo ofanayo,
zibone nokuthi onkamisa yibona abenza umehluko ekubizweni nasekubhaleni
kwemisindo. Emva kokuba sebefundile-ke amagama asebhodini, othisha babetshela
abafundi ukuba babuyele ezindaweni zabo ukuze babhale amagama asebhodini,
bawakopishe enjengoba enjalo, bawafunde ekhaya njengoba ngoLwesihlanu babezobhala
ngawo isibizelo.
6.2.1.2.2 NGOLWESIBILI
Ngosuku lwangoLwesibili kwaqapheleka ukuthi othisha babebaqalisa konkamisa
ukubafundisa. Babebafunda bephindelela abantwana onkamisa lapho kuqala isifundo,
othisha bebakhombela ngenduku. Lapho sebekwenzile lokhu, bese befunda: pha, phe,
phi, pho, phu. Nangalo lolu suku othisha babegcizelela ukuthi bakhumbuze abafundi
ukuthi umsindo ka ‘ph’ wakhiwa ngokuhlanganisa umsindo wepani nomsindo wehawu.
Isibonelo, uthisha uMbali emva koku ba esebingelele abafundi bakhe wabe esethi abeze
ngaphambili kwabe sekuba nale nkulumo-mpendulwano:
198