isahluko 1 - UKZN ResearchSpace - University of KwaZulu-Natal

2.5.2 AMASU ASETSHENZISWA NGESIKHATHI UKUFUNDWA KOMBHALO
KUQHUBEKA (DURING-READING STRATEGIES)
Lana ngamasu alekelela ingane ukuba ithuthuke ekufundeni ngokunganqikazi noma
ngokungangingizi, ikakhulukazi lapho kukhulunywa noma kufundwa umbhalo. La masu
alekelela ingane ukuba ikwazi nokubona okuyiwona mqondo oqukethwe noma ingqikithi
yombhalo. Ezinye zezibonelo zalolu hlobo lwamasu yilana: ukuqagela ngokusebenzisa
amagama asondelene nalokho okuchazwayo (guessing word meanings by using context
clues), ukwakhiwa kwamagama kulandela ukusebenzisa okuthile okusondelene nakho,
okunikeza umqondo ngalawo magama okufanele akhiwe (word formation clues),
ukuhambisa amehlo ngokushesha ucinge into ethile embhalweni (skimming and
scanning), ukucabanga ngokuzokwenzeka embhalweni (predicting text content), ukuthola
umusho ongumgogodla wesigaba okuyiwona uqukethe umqondo wesigaba ( identifying
topic sentences that contain the main idea of the paragraph (Ad-Heisat et al, 2009, p.
312).
Ngenxa yokuthi abantwana badinga amasu ehlukene ekufundisweni, lolu hlobo lwamasu
lungaba lukhuni ukufundiseka. Yingakho nje lolu hlobo lwamasu lubuye lubizwe
ngokuthi amasu ayinselelo (Alvarez & Risko, 1989; AD-Heisat et al, 2009). Ngezansi
yisibonelo sesu elingasetshenziswa nguthisha ukuze abone ukuthi usahambisana yini
nomfundi amfundisa umbhalo.
2.5.2.1 UKUZILUNGISA (SELF CORRECTION)
Lokhu kuchaza ukubuyela egameni elisekugcineni, umusho osekugcineni, noma isigaba
sokugcina, ukuthola lapho umntwana elahleke khona. Lokhu kubalulekile kubantwana
abasakhulayo ukuze bakhule bekwazi ukufunda ngokuzimela (Joubert nabanye, 2008, p.
116).
81