isahluko 1 - UKZN ResearchSpace - University of KwaZulu-Natal

T: Umama kaZizwe yini le ayizamayo?
L:Amakhathakhathana.
T: Yini amakhathakhathana?
L: Umuthi.
T: Ehhe, umuthi, ukuzwe azizwe engcono
T: UZizwe waya yini emtholampilo?
L: Cha akayanga
T: Ehe…kuthiwa lana uZizwe wayechama ini?
L: Kuthiwa uZizwe wayechama igazi
T: Lokhu kusho ukuthi wayebhukude emanzini angcolile
L: Ucabanga ukuthi wayengenwe yini uZizwe, yini eyenza achame igazi
L1: Wayelunywe yinunu
T: Nununi?
L: Mhlampe kwakuyimpukane
T: Impukane?(ehleka)
L: Kwakuyinyoka
T: Uma sibhukuda kwesinye isikhathi sibhukuda emanzini angcolile, kanti lawo manzi
anezilwanyana ezincane, lezo zilwane akulula ukuzibona uze usebenzise imicroscope
ukuze ukwazi ukuzibona, bese zikungena bese uyagula-ke. Ngamanye amazwi
kubabulekile ukuba sibhukude emanzini ahlanzekile. Asifunde-ke futhi…
Lokhu kusho ukuthi othisha basesikoleni iGolide, nakuba begxila emsindweni othile
lapho befundisa ukufunda okubhaliwe, banalo ulwazi lokuthi izingane lapho zifunda
umbhalo kumele ziwufunde ngenhloso yokuba ziwuqonde. Kodwa okwakumangaza
ukuthi uthisha akafundisanga ukuqondisisa, kodwa wahlola ukuqondisisa. Lokhu yinto
efanayo neseyake yatholwa nguDurkin eMelika lapho athola khona ukuthi othisha
babengafundisi ukuqondisisa nolwazimagama, kodwa babekuhlola lokhu, bebe
bengazinikanga isikhathi sokuba bakufundise (Durkin, 1993).
Ngale kwalokhu, ulwazimagama nolwazi lokuhlonza amagama kanye nokulekelela
abafundi ukuthi bafunde ngokungangingizi uthisha uSbo akazange azihluphe
ngokukufundisa. Abacwaningi abaningi bagcizelela ukuthi okuyiyona nto esemqoka
ngokufunda okubhaliwe ukuba owufundayo umbhalo awuqondisise, kodwa ukuze
umfundi awuqondisise umbhalo kumele zonke izingxenye ezibalulekile zokufunda
okubhaliwe zithuthukiswe, ngaphambi kokuba uthisha aze ahlole ukuthi
bayawuqondisisa umbhalo abawufundayo (Coyne et al, 2009; Duffy, 2009; Poulton,
2007; Fukkink, Hulstijn & Simis, 2005; Cunningham & Stanovich, 1998; Bester, 2008;
219