isahluko 1 - UKZN ResearchSpace - University of KwaZulu-Natal

ngokwakwenzeka esikoleni iGolide endikimbeni yokuqala. Okwakwenzeka esikoleni
iGolide, nakuba okuningi okwakwenzeka kwakufana nokwakwenziwa ngothisha
baseMbalenhle, kodwa kwakukhona okwakungumehluko. Kwaqapheleka ukuthi usuku
lokuqala esikoleni iGolide lwaluthi alufane nokwenziwa ngothisha baseMbalenhle.
Isibonelo, lapha uthisha uSbo ethula umsindo ka ‘sh’ akazange adwebe mfanekiso bese
ebuza abantwana ukuthi ngabe sithombe sini lesiya, okuyinto eyayenziwa eMbalenhle.
Wababuza ukuthi babegcine bekhulume ngani ekilasini, wababuza nemibuzwana
ngezinto ezaziyothengwa esitolo ngokwendaba ababeyifundile. Kwavela ukuthi
amaqanda noshukela yizona zinto ezaziyothengwa. Wabe esenamathela egameni
likashukela-ke, kwaxoxwa ngawo ushukela, ebuza nokuthi wenzani ushukela etiyeni,
ukalwa ngani, njalonjalo. Isibonelo senkulumo-mpendulwano kathisha nabafundi:
T: Last time konje sakhuluma ngani?
L1: Ngogogo nomkhulu
T: Amaqanda ayethengwaphi konje?
L:Esitolo
T: Konje yini enye eyathengwa esitolo?
L: Ushukela, itiye, isinkwa
T: Ushukela wenzani konje?
L: Wenza itiye
T: Ushukela konje angithi uyazi ukuthi awulingani. Ukalwa ngama grams...
Kule nkulumo ecashunwe ngenhla, kuyacaca ukuthi uthisha uSbo wayethula umsindo ka
‘sh’, njengoba naleli gama likashukela ayesenamathele kulo linawo lo msindo. Emva
kwalokhu wabe eseqala esekhumbuza izingane ngonkamisa, wabe esekhuluma
ngomsindo ka ‘sh’. Uthisha watshela abantwana ukuthi umsindo u ‘sh’ ungumsindo
‘kashukela’. Lokhu kunamathelisa umsindo negama elithile kwakufana nokwakwenziwa
ngothisha baseMbalenhle.Waba nale nkulumo-mpendulwano nabafundi bakhe uthisha:
T: Konje sathi bangaki onkamisa esinabo thina
L: Bawu 5,( basho bonke).
T: Bawu 5 njalo nje, abeqi lapha, uyoze ufe bengeqile lapha
T: Ake sibheke ke imisindo le esebhodini (ebhodini ubhale imisindo ka sh engu 5.
T: Angithi siyayibona le misindo. Ake siyifunde ke
L: Sh sh sh sh sh
216