26.02.2013 Views

isahluko 1 - UKZN ResearchSpace - University of KwaZulu-Natal

isahluko 1 - UKZN ResearchSpace - University of KwaZulu-Natal

isahluko 1 - UKZN ResearchSpace - University of KwaZulu-Natal

SHOW MORE
SHOW LESS

You also want an ePaper? Increase the reach of your titles

YUMPU automatically turns print PDFs into web optimized ePapers that Google loves.

kumbe amaqembu ehlukene abafundi bakhe okuzolekelela ukuthi umfundi athuthuke<br />

ekufundeni okubhaliwe ngokukuqondisisa. Nokho-ke le ndlela lapho isetshenziswa<br />

iyodwa ingeze yalekelela abafundi ukuba bafunde ngokuqondisisa umbhalo, futhi babe<br />

ngabafundi abaseqophelweni eliphezulu lokufunda imibhalo eyahlukene njengoba le<br />

ndlela igxila ekubhalweni kwamagama, ngamanye amazwi ekupeleni.<br />

Njengoba ngike ngaveza esahlukweni sesibili, indlela yokufundisa ngemisindo yenza<br />

isivinini sabafundi sihambe kancane kwenza abafundi babone kusemqoka ukubhala<br />

amagama ngesipelingi esiyiso, kunokuba ajahe ukuthola umqondo wombhalo. Lokhu<br />

kungenxa yokuthi umfundi uthatha isikhathi eside ezama ukucophelela ukuthi igama<br />

libhalwa kanjani (Joubert et al, 2008; Joubert, 2004; Shanahan, 2006), kunokuba azame<br />

ukuthola umqondo wombhalo. Ngamanye amazwi le ndlela ikhuthaza abafundi ukuba<br />

bakwazi ukupela kunokuba babe ngabafundi abathuthukile bokufunda okubhaliwe,<br />

abafunda ngokuzimela ngaphandle kosizo lwabantu abadala.<br />

5.2.3.2 AMASU OKUFUNDISA UKUFUNDA OKUBHALIWE<br />

Othisha lapho befundisa ukufunda okubhaliwe bathi basebenzisa amasu athile<br />

okufundisa. Ngezansi kuzobalwa lawo abathi bayawasebenzisa ekufundiseni ukufunda<br />

okubhaliwe.<br />

5.2.3.2.1 UKUFUNDISWA KOKUFUNDA OKUBHALIWE KUHAMBISANE NOKUBHALA<br />

Othisha bachaza ukuthi ukuze ukufunda kube yimpumelelo, njalo nje kuye kube khona<br />

abakubhalayo abafundi uma befunda ukufunda okubhaliwe. Emva kokufunda uthisha uye<br />

athi ababhale okusebhodini kunjengoba kunjalo, ukuze abone ukuthi bangakwazi yini<br />

ukukubhala njengoba kubhaliwe. Lokhu kuye kube amagama noma imisho emifushane<br />

enemisindo abakade beyifunda. Lapho sebekubhalile bekubuka, ngosuku olulandelayo<br />

baye baqede ukufunda bese bebhala amagama bengasawaboni, balifunde kuqala igama<br />

beliphindaphinda ngaphambi kokuba balibhale bengasaliboni.<br />

173

Hooray! Your file is uploaded and ready to be published.

Saved successfully!

Ooh no, something went wrong!