isahluko 1 - UKZN ResearchSpace - University of KwaZulu-Natal

Uhulumeni waseNingizimu Afrika ususebenzise izigidigidi zamarandi ukwesekela
imizamo yeminyango yemfundo ekuthuthukiseni amazinga okufunda nokubhala
eNingizimu Afrika, kuwo wonke amazinga emfundo. UNkomo (2010) uthi uhulumeni
usebenzisa imali engaphezu kwezigidigidi ezingama-550 zamarandi (R550 billion rand)
ukuzama ukulwa nenkinga yamazinga aphansi okufunda eNingizimu Afrika. Lokhu
kwavezwa ucwaningo olwenziwa yiNyuvesi yaseStellenbosch khona kuleli zwe.
Akulona nje idokwe eligayelwe uhulumeni kuphela ukuzama ukuthuthukisa amazinga
ezingane okufunda nokubhala, kodwa iningi labantu baseNingizimu Afrika kanye
namazwe onke omhlaba likhathazekile ngalesi simo, njengoba lokhu kuyinkinga
ekhungethe umhlaba wonke. Le nkinga idala ukuthi abantu basemazweni onke omhlaba
bazihluphe ngemizamo yokwenza ngcono lesi simo kulawo mazwe anale nkinga. Lokhu
kuhlanganisa ukuthuthukisa izikhungo zemfundo ephakeme, ukunikela kosomabhizinisi
(abashicileli bemibhalo, ababhali, kanye nezitolo zezincwadi), umphakathi ohlanganisa
abafundi bezincwadi kanye nabathengi bazo, abasebenzisa imitapo yolwazi, abasebenzi
emikhakheni eminingi eyahlukene (South Africa. Department of Arts and Culture & Print
Industries Cluster Council, 2007). Ngaphezu kwayo yonke imizamo ezanywayo
yokuthuthukisa amazinga okufunda nokubhala, namanje kusabukeka kuseyinselelo
ukufinyelela ezinhlosweni zemizamo eyahlukahlukene yokulungisa lesi simo umhlaba
wonke, hhayi kuphela eNingizimu Afrika, kodwa emazweni amaningi emhlabeni wonke
jikelele (Van der Rheede, 2008, p. 1).
Ngonyaka wezi-2004 lowo owayenguNgqongqoshe wezeMfundo, uNaledi Pandor,
enkulumeni yakhe yokuvula engqungqutheleni yomhlaba eyayimayelana nokufunda
nokubhala eyayiseKapa wabeka kanje:
It is difficult to live the full life expected of a citizen in a modern democracy
if you are illiterate. The state largely communicates the rights and
responsibilities of citizens through written regulations, statutes and
correspondence. Illiteracy places many of our citizens outside this world of
the written word, forcing them to rely on third parties for information on
their basic rights and responsibilities… Literacy gives you a full sense of
dignity. Illiteracy strips you of that dignity. When you have to rely on
someone else, in many cases a child, for, as simple an activity as, reading a
8