isahluko 1 - UKZN ResearchSpace - University of KwaZulu-Natal

amabili ayewahlukanisile ekilasini. Emva kwalokho wabe esebanikeza imisho ukuba
bayigcwalise ezincwadini zabo, wabanika amagama ababezogcwalisa ngawo:
Fig. 20 Imisho eyayigcwaliswa
Gcwalisa imisho ngegama elifanele
1.------------ihlala emanzini.
2. ------------- wakhe eduze nomfula.
3. Ingane iphethwe -----------.
4. Kukhona ingidi --------------.
5. ------------- idla ngamabala.
6. Umkhulu ----------- ekhanda.
7. Izingubo ---------- umama.
8. Umfundisi--------- ngeculo.
9. ------------ imali eningi.
10. Izinkomo-------ubisi.
Khetha: uNgwane, ingwebu, ingwevu, inkulungwane,
uHlongwane, ingwenya, ingwe, lingwa, amangwevu, thengwa,
ingwici, esangweni, lindwa.
Kula magama ababekhetha kuwo abafundi kwakukhona elilodwa elalingahambisani
namanye ngoba lona lalingenawo umsindo ka ‘ngw’. Lelo kwakuyigama elithi ‘lindwa’
njengoba ekhonjisiwe ngenhla. Kwabonakala ukuthi uthisha wayelifake ngamabomu
ukuze abone ukuthi abafundi bazokwazi yini ukubona ukuthi lehlukile kwamanye.
Uthisha wabe esebuza abantwana ukuthi bayalibona yini igama elalingafani namanye.
Balibona. Wabe esebatshela ukuba basho uma kunegama abangalazi futhi bengazi
nencazelo yalo ngoba akufanele kuze kushaye usuku lwangakusasa ngoLwesihlanu lapho
kubhalwa khona isibizelo kukhona umfundi onegama angalazi ukuthi lithini nokuthi
lichaza ukuthini. Lokhu kukhombisa ukuthi uthisha wayefundisa abantwana ulwazi
lokuhlonza amagama nokuthi akheka kanjani, kanjalo futhi nolwazi lwemisindo noma
lwezimelamsindo.
242