isahluko 1 - UKZN ResearchSpace - University of KwaZulu-Natal

Kanti ekilasini likathisha oyedwa, okunguthisha uThandi, nakuba babenza ngendlela
efanayo, kodwa yena wayegxile emsindweni ka ‘hl’. Yingakho nje izithombe namagama
ayefundwa ekilasini lakhe kwakunesimelamsindo/ umsindo ka ‘hl’(Bheka iseleko sesi-9
ezelekweni ngemumva ekhasini lama-360).
6.2.1.2.3 NGOLWESITHATHU
Usuku lwangoLwesithathu nalo lwalungehlukile kangako kolwangoLwesibili. Lokhu
kwakwenzeka kubo bonke othisha ababeyingxenye yocwaningo esikoleni iMbalenhle.
Lapho uthisha eqala isifundo wayeqala ngokuthi ababingelele, bese ethi abeze
ngaphambili abafundi bazofunda amagama abakade bewafunda ngayizolo, njengoba
ayevele ekhona ebhodini. Babewafunda bewaphindelela. Lapho sebewafundile uthisha
wayenamathisela izithombe zamagama amahlanu ababekade bewenza ngayizolo,
bewaqondanisa nezithombe.
Ngalolu suku babewafunda bewaphindaphinda la magama. Emva kwalokhu uthisha
wayenamagama asikiwe ayishumi. Wayenamathelisa igama negama ebhodini. La
magama ayebhalwe ngombala oluhlaza okwesibhakabhaka, bese kuthi umsindo ongu
‘ph’ awubhale ngombala obomvu. Lapho elinamathelisa igama, abafundi babelifunda.
Lokhu kukhombisa ukuthi uthisha wayefundisa ngemisindo kodwa futhi inhloso
kwakuwukuba abafundi bathuthuke olwazini lokubona noma lokuhlonza amagama (word
recognition). Babewafunda kahle abafundi la magama, bewafunda bebonke njengekilasi.
Nanka lawo magama:
Fig. 5 Amagama ayefundwa
1. Uphayinaphu 2. Phaka
4. Iphini 5. Pheka
7. Iphilisi
10. Phuza
3. Iphutha
6. Umphako
8. Phazamisa 9. Isiphethu
11. Isiphuzo 12. Uphaphe
203