isahluko 1 - UKZN ResearchSpace - University of KwaZulu-Natal

Njengoba sengike ngachaza, ucwaningo oluningi lwalubheka ukufunda ngokungangingizi
(Day & Bamford, 1998; Samuels, 2006; Blevins, 2005), olunye lwalubheka
ulwazimagama noma amagama okufanele aziwe embhalweni (Harmon, 1998), olunye
lwalubheka ukuhlolwa kokufunda okubhaliwe kanye nemibhalo efundwayo (The
National Capital Language Resource Center, 2003), olunye ucwaningo lwaluhlola
umthelela wolimi lwasekhaya ekubhaleni isibizelo sesiNgisi kubafundi bamabanga oku-1
kuya kwawesi-6 (Carlisle et al, 1999; Arab-Moghaddam & Senechal, 2001), abanye
babeqhathanisa ulwazi lwabafundi lolwazimagama emisebenzini eminingi eyahlukene
nangokuhlukana ngokwamazinga emibhalo (Davis, Carlisle & Beeman, 1999; Francis,
2000, Thorndike, 1973; Blachowicz & Fisher, 2000; Carver, 2003; Blachowicz & Fisher,
2000), abanye babebheka ulwazi lokubona / lokuhlonza amagama (Fitzgerald & Noblit,
1999; 2000; Geva, Yaghoub-Zadeh & Schuster, 2000; Hutchinson et al., 2003; Lesaux &
Siegel, 2003; Manis et al., 2004; Weber & Longhi-Chirlin, 2001), abanye babebheka
ulwazi lwezinhlamvu zamagama (lwezimelamsindo) (Huang & Hanley, 1995; Cheung et
al, 2001; Hu & Catts ,1998; Siok & Fletcher, 2001), abanye bebheka ulwazi
ngezinguquko zemisindo (Fitzgerald & Noblit, 1999; 2000; Geva et al., 2000; Lesaux &
Siegel, 2003; Manis, et al., 2004; Muter & Diethelm, 2001; Neufeld & Fitzgerald, 2001),
abanye bebheka ulwazi ngezimelamsindo nemisindo (Aruajo, 2002; Fitzgerald & Noblit,
1999, 2000), abanye bebheka ukufunda ngokuqondisisa (Droop & Verhoeven, 1998;
Stannovich, 2000; Pearson, 2006; Pretorius, 2000; Fitzgerald & Noblit, 2000; Hutchinson
et al., 2003; Lesaux & Siegel, 2003; Manis et al., 2004; Weber & Longhi-Chirlin, 2001),
abanye babebheka ukubhala (Aruajo, 2002; Fitzgerald & Noblit, 1999; Neufeld &
Fitzgerald, 2001; Weber & Longhi-Chirlin, 2001), abanye isibizelo (Lesaux & Siegel,
2003; Weber & Longhi-Chirlin, 2001), njalonjalo. Kulo lonke lolu cwaningo oluningi
kangaka olubalwe ngenxa, kuyaqapheleka ukuthi alukho oluke lwabheka ukufundiswa
kokufunda okubhaliwe olimini lwasekhaya lwesiZulu.
Ngaphandle kwalolu cwaningo olubalwe ngenhla, olunye futhi ucwaningo luyaveza
ukuthi amasu okufundisa ukufunda kanye nawokufunda okubhaliwe asiza abantwana
ekwenyuseni izinga lokufunda ngokuqondisisa lapho behlangabezana nezinkinga
ekufundeni okubhaliwe (Cheng, 2003; Lee, 1998; Yigiter, et al 2005; Yang, 2004;
42