isahluko 1 - UKZN ResearchSpace - University of KwaZulu-Natal

T: Nizobhala isipelingi, kumele nithathe ama-exercise enu, ningakhohlwa ukubhala
amagama enu phezulu bese nibhala nosuku lwanamhlanje.
T: Ithini idate yamhlanje?
L: The date today is 12 February 2010.
Wabuye wathi:
T: Siyizwile indaba na? Ikhuluma ngobani?
L: Ikhuluma ngoNkawu noDube
T: Good. That’s right.
Wabuye wathi:
Sizofunda-ke lapho ku-page 23, sifunda yona le ndaba ekade siyifunda. Are you with
me…unami?
Kanjalo nalapha:
T: Kuthiwa uNdumiso wayengasizwa isiNgisi baze bavumelana ngaye udokotela nomama
wakhe ngokuthi kufanele ajove, kanti yena akathandi ukujova. Just open on page seventy
one…ikhasi 71, ikhasi lamashumi ayisikhombisa nanye…that is seventy one.
Kulezi zinkulumo ezicashunwe ezindaweni ezahlukene zikathisha oyedwa,
kuyakhombisa ukuthi ukusetshenziswa kwesiNgisi yinto ejwayelekile, kanti nezingane
akuyona into eziyixwayayo. Lokhu kwenza isiNgisi sibaluleke lapho kufundiswa khona
isiZulu, okuyinto engenzeki esiNgisini ulimi lokuqala. Kwamangalisa ukuthola ukuthi
ulimi lwesiNgisi lubukeka lusemqoka kulezi zikole, nokuyinto ebonakala ngezindlela
ezahlukene. Isibonelo; ngezinsizakufundisa emakilasini, ngolimi olusetshenziswa
ngothisha ngaphandle nangaphakathi emakilasini, izincwadi ezisemtatsheni wolwazi,
imithombo esetshenziswa ngothisha, njalonjalo.
7.2.6 UKUHLOLA ABAFUNDI
Ukuhlola abafundi ukufunda okubhaliwe yinto ababeyenza ngokubabhalisa imisebenzi
eyahlukene othisha. Okwakumangalisa ukuthi lapho othisha behlola abafundi,
babebanikeza umsebenzi obhalwayo kube yiyona ndlela yokubahlola. EMbalenhle lapho
othisha behlola izingane, bakwenza lokhu ngokuthi bazibhalise isibizelo. Isibizelo
singalekelela ekutheni izingane zifunde imisindo kodwa isibizelo sihlola ikhono
lokubhala kumfundi. Kuyamangalisa ukuthi kungani besebenzisa isibizelo njengethuluzi
270