isahluko 1 - UKZN ResearchSpace - University of KwaZulu-Natal

ngamunye umusho akhombe ingane ukuba iwufunde. Lapho ingane isiwufundile umusho
yayiwubhekisa ekilasini ukuba nabafundi abanye bawufunde bese uthisha
ewunamathelisa ebhodini. Nasi isibonelo ngezansi:
Fig. 16 Imisho eyayakhiwa ebangeni lesibili eGolide
Imisho
1. Angibonanga ukuthi sishone ngakuphi.
2. Uvele washosholoza wangabonwa muntu.
3. Ubaba ushaye sengathi isithuli.
4. Usho nokusho ukuthi akanakuwugibela ugandaganda.
5. Kumane kwaphendula uShobede ngokushesha.
Sebeqedile, uthisha wabe esethi abayibhale imisho leyo ezincwadini zabo injengoba
injalo. Ngale ndlela abazange babhale isibizelo njengasesikoleni iMbalenhle njengoba
khona njalo ngoLwesihlanu kubhalwa isibizelo kuwo onke amabanga aphansi. UJoubert
nabanye (2008, p. 128) babeka ukuthi lapho uthisha ehlola ukufunda, ukwenza lokhu
ukuze ahlole ukuthi izindlela namasu abewasebenzisa kusebenziseke ngempumelelo yini,
nokuthi ingane ifunda ngendlela okulindeleke ukuba ifunde ngayo, futhi iyathuthuka
ekufundeni okubhaliwe.
Ngamanye amazwi, ukuhlola ukufunda okubhaliwe kumele uthisha akuhlole ngezindlela
ezihambisana nokufunda okubhaliwe, njengoba ngichazile kabanzi ngalokhu esahlukweni
sesibili, kodwa kungabi sengathi ubefundiswa ukufunda umbhalo kodwa lapho esehlolwa
ahlolwe uikhono lokubhala. Isibonelo, lapho umntwana ehluleka ukufunda okubhaliwe,
kusuke kuchaza ukuthi umbhalo awufundayo ungaphezu kwezinga lakhe lokufunda
okubhaliwe. Ngaleyo ndlela kuye kufanele anikwe omunye ongaphansi ngokwezinga
noma ngokwenzinga lobulukhuni. Lokhu kungenxa yokuthi umntwana nomntwana
wehlukile kwabanye, kanti futhi akaqhudelani namuntu lapho efunda okubhaliwe, okusho
ukuthi uthisha kumele amlekelele ekutheni aphumelele ngokwakhe, angaqhathaniswa
nabanye abafundi ekilasini.
226