isahluko 1 - UKZN ResearchSpace - University of KwaZulu-Natal

L: Kuthuleke
T: Laphaya sibona umfana, ingane elunywe yinyoka le esesithombeni sokuqala,
isesibhedlela ngoba ilunywe inyoka, beningakucabangi lokho nina?
Kule ndaba kwacaca ukuthi umsindo uthisha agxile kuwo umsindo ka ‘sh’ ngoba
amagama amaningi ayenawo lo msindo, kanti futhi wawubhalwe ngohlamvu olugqamile.
Emva kwalokhu uthisha wabe esebuza imibuzo ngomlomo, ngaphambi kokuba athi
mabayiphendule ezincwadini zabo ngokwamaqembu. Lokhu kukhombisa ukuthi uthisha
wayebahlola abafundi ukuba basiqondile yini isiqephu lesi. Lokhu wakwenza nakuba
engachithanga isikhathi esanele ekufundiseni ulwazi lwamagama, nokuba athuthukise
ukufunda ngokunganqikazi lapho befunda.
6.2.2..5 NGOLWESIHLANU
Ngosuku lwesihlanu evikini uLwesihlanu, uthisha wathi mabasho inkondlo ethi
‘isitimela’. Le nkondlo yayinawo umsindo ka ‘sh’ ababegxile kuwo ngalelo sonto.
Babeyisho balingise, belingisela ukukhushuza kwesitimela, sijikajika, sibagwinya,
sishona emgodini, sishushuluza sibashiya emakhaya. Babekujabulela lokhu kulingisa
abantwana, bekwenza nothisha wabo.
Fig. 15 umlolozelo webanga lesibili eGolide
Isitimela
Khushukhushukhushu,
Pe pe pe nas’isitimela,
Sijikajikeleza,
Sihamba sibagwinya,
Sibuye sibahlanze,
Sishona emgodini,
Sishushuluza njalo,
Sibashiy’emakhaya
Nakuyo le nkondlo, kuyacaca ukuthi uthisha wayefundisa umsindo ka ‘sh’ okuyiwona
ayegxile kuwo. Emva kwalokho wabe esekhipha imisho esikiwe (sentence strips)
225