isahluko 1 - UKZN ResearchSpace - University of KwaZulu-Natal

ingakwazi ukwenabela kubantu, noma ezikhungweni eziningi kunaleso/kunalezo
ebezicwaningwa. Lokhu kwenzeka ngokuhlola ukuthi imiphumela yocwaningo
ingakwazi yini ukudluliselwa/ukwenabela nakwamanye amabanga aphansi,
okungamanye amabanga esithathu nawesibili ayengeyona ingxenye yocwaningo kulezi
zikole.
Ngale kwalokhu, ukukholakala kwemiphumela kwenziwa ngokusetshenziswa
kwezindlela ezintathu zokuqoqa kolwazi, okwakuyizingxoxo / inhlololwazi esakuhleleka
(semi structured interviews), ukubukela othisha befundisa (observations), kanye
nokuhlaziywa kwemibhalo (content analysis) okuqukethe ulwazi othisha abathembele
kulo ekufundiseni ukufunda, kanjalo nemigomo yolimi yesikole. UCohen, Manion
noMorrison (2008, p. 149) baphawula ukuthi enye yezindlela zokwenyusa ubuqiniso
ukuba kusetshenziswe izindlela ezahlukene ekuqoqweni kolwazi oludingwa ucwaningo,
okubizwa ngokuthi yindlela yokudidiyela izindlela ezahlukene zokuqoqa ulwazi
locwaningo (triangulation).
Ngaleyo ndlela ukukholakala kwemiphumela kwahlolwa, kusetshenziswa ukukholakala
kwangaphandle; okwafezeka ngokwenza ngokuyimpumelelo ukusabalalisa imiphumela
yocwaningo nakwamanye amabanga afanayo ezikoleni engangisebenza ngazo. Lokhu
ngakwenza ukuze ngibheke ukuthi imiphumela yayizofana yini naleyo engangiyithole
kulawo mabanga engangiwacwaninga.
3.9.2 UBUQINISO (RELIABILITY)
ULeedy beno-Ormrod (2005, p. 29), bavumelana ngokuthi ubuqiniso busho
ukungaguquki kwemiphumela yocwaningo uma lokho okuhlolwayo kungazange
kushintshwe; kusalokhu kuhlolwa yona into efanayo. UCohen, Manion noMorrison
(2008) baphawula ngokuthi ocwaningweni lwesimo, ubuqiniso busho ukufana kwalokhu
umcwaningi akushicilele njengolwazi olutholakele kanye nalokho okwenzeka ngqo
esimweni esijwayelekile okuyisona umcwaningi afuna ukwazi ngaso. Lokhu kuchaza
ukuthi ulwazi olushicilelwe phansi ngumcwaningi kufanele lucace bha futhi lukwazi
112