isahluko 1 - UKZN ResearchSpace - University of KwaZulu-Natal

ayijwayele ukuba nenkinga esikoleni nasempilweni yayo yonke yokufunda (Goodman,
1986; Morrow, 2005).
Nakuba othisha besho kanjena, baveza ukuthi akwenzeki ngendlela efanele lokhu ngoba
abazali abaningi abalibambile iqhaza njengabazali bezingane ekuzilekeleleni ukuba
zithuthuke ekukwazini ukufunda okubhaliwe. Lokhu kubonakala nangokuthi ingane
bangayilekeleli emsebenzini wasekhaya ewunikwe esikoleni, nokuthi umzali abe
yisibonelo esibi enganeni ngokuba abase umlilo ngencwadi yengane yokufunda.
Isibonelo, inkulumo kathisha uSbo ikucacisa kahle lokhu:
… ngihlangabezana nezinkinga uma ngibanikeze umsebenzi wasekhaya ngoba
abanye ababuyi nazo izincwadi [izincwadi zokubhala], uma ubuza bakutshela
ukuthi ugogo ubase ngayo imbawula noma uyisebenzise eya endlini encane.
Impendulo kathisha uZanele nayo igcizelela khona ukungatholi ukwesekwa
kwabantwana ngabazali babo emakhaya. Yena ubeka kanje:
...angazi yini imbangela yokuthi abazali banamhlanje kabanikezi izingane
zabo usizo ezifundweni, noma yingoba abakakhuli ngokwanele ukuba
ngabazali.Ngiyacabanga imbangela yiyo eyokuthi bathola izingane
besebancane abanendaba nemfundo yezingane zabo into abanendaba nayo
injabulo yabo nabo kufanele bafundiswe ngokunakekelwa kwabantwana
ngoba abazi.
Ngenxa yokungabambisani kahle kothisha nabazali bezingane ekutheni zithuthuke kahle
ekufundeni okubhaliwe, lokhu kunomthelela omubi ezinganeni njengoba uthisha uJabu
eveza ukuthi ngenxa yabazali abangenandaba nokulekelela izingane, nazo zize
ziphelelwe umdlandla wokufunda, njengoba azisafani nezingane zakudala ezazinothando
lokufunda. Ubeka kanje uthisha uJabu:
Uyabona nje izingane engangizifundisa kuqala, ngiyazihlonipha ngoba
zazifunda ngento ezingayazi, ziyifunde ziyiqonde futhi uma uzifundisa
ngempela. Namhlanje ngisho zingahamba nama-ex book, uthi aziyokwenza
umsebenzi, zibuya nawo engcolile edabukile ngoba azinandaba. Ezakuqala
zazisebenzisa i-slate, sizisule kahle, zilungele ukufunda.
186