isahluko 1 - UKZN ResearchSpace - University of KwaZulu-Natal

Kanjalo futhi u-Inglis nabanye (2000, p. 57) bafakazelana ngokuthi ukufunda okubhaliwe
yiyona ndlela esemqoka ekutheni abantu bathole izindaba, ulwazi kanye nemiqondo
yabanye abantu. Laba bacwaningi bavumelana ngokuthi ukufunda okubhaliwe
okungenanjongo yokuqonda okufundwayo akunamsebenzi walutho, akunangqondo.
Bavumelana ngokuthi lapho umfundi wombhalo efunda, kumele akwazi ukwakha
isithombe ngento ayifundayo.
Yingakho nje o-Smith benoRead (2005, p.12) bethi ukufunda okubhaliwe kwenzeka
ngokuthi ulwazi umfundi avele enalo ngalokho akufundayo kanye nolwazi oluza
nombhalo kuhlangana, kunikeze umqondo omusha. Kusobala ukuthi laba bacwaningi
babuka ukufunda okubhaliwe ngehlo lama-social constructivists. Isibonelo, uma uthatha
igama elithi ‘ijakhethi’, lapho umfundi efunda ngaleli gama noma nje lapho elibona,
kuyena engqondweni kwakheka isithombe ngaleli gama ngoba akaqali ukulibona. Njalo
nje lapho efunda ngaleli gama, kuba khona okuthile okunezelela kwakwaziyo ngaleli
gama. Angathola ulwazi mayelana nokuthi ijakhethi kumbe emnyama, kumbe ijakhethi
yasebusika, ijakhethi yasehlobo, ijakhethi kasibanibani, njalonjalo. Konke lokhu kwakha
kumntwana lokhu esikubiza ngokuthi ngama-‘schemata’, okungulwazi olukumntwana
mayelana nento ethile aseke afunda ngayo, wezwa noma wayibona. Ngale ndlela
kubalulekile-ke ukuthi lapho umntwana efunda, kube khona akwaziyo ngalokho
akufundayo, ukuze akhele ulwazi olusha phezu kwalolo analo. Lokhu kusiza ekutheni
akuqonde kangcono afunda ngakho. U-Wessels beno-Van den Berg (1999, p. 99)
bengeza ngokuthi:
These concepts or ideas about various aspects of the world around us are
known as schemata (plural) and schema (singular). When the word ‘bicycle’
is heard or read, schemata are activated and the listener or reader is able to
understand what is meant by a sentence such as ‘Ride on your bicycle’, ‘the
man is riding a bicycle’.
Ngalawa mazwi acashunwe ngenhla, kuyacaca ukuthi inhlanganisela yezindlela
zokufundisa (Integrated Approach) ibalulekile lapho kufundiswa ulimi. Lokhu
kugcizelela ukuthi ukufunda okubhaliwe kungenzeke njengento nje ezihambela yodwa,
kodwa kusho ukuthi umntwana kumele abuye alalele, akhulume, futhi abuye abhale
135