isahluko 1 - UKZN ResearchSpace - University of KwaZulu-Natal

sokufunda kubantwana siphansi kakhulu ngoba lapho abantwana befundiswa
ngezincwadi zezindaba nezinye izinhlobo zemibhalo, bafunda ulimi kangcono ngoba
kuningi abakutholayo emibhalweni eyehlukene. Ngikusho lokhu ngoba ingane engabe
iqale ekuqaleni konyaka ukufunda ukufunda okubhaliwe, kusetshenziswa, isibonelo,
izindaba; ngalesi sikhathi isuke isithuthuke kakhulu embhalweni lapho ingaqhathaniswa
nengane ekade ingayifundi imibhalo eyahlukene.
Kanti okwatholakala esikoleni iGolide ukuthi nakhona ebangeni lesibili othisha bafundisa
imisindo lapho befundisa ukufunda okubhaliwe. Ngakho-ke, njengoba sengike ngaveza
ngenhla, yingakho ucwaningo oselwenziwe luveza amazinga aphansi okufunda
eNingizimu Afrika. Isibonelo, uMnyango WezeMfundo ezingeni likazwelonke (2006)
wamemezela imiphumela yocwaningo olwalwenziwe ngabafundi bebanga lesi-3
ezikoleni zaseNingizimu Afrika. Lolu cwaningo lwaveza ukuthi abafundi abaningi
ekupheleni kwebanga lesithathu babengama-61% ababengakwazi ukufunda nokubhala.
Lokhu kufakazelwa nangoluningi ucwaningo, oluveza ukuthi abantwana baseNingizimu
Afrika bafunda ngokungaphansi kwamazinga abo okukhula (DoE, 1996; 2002; 2006;
2008c; Bharuthram, 2006; Pretorius, 2004; RNCS, 2003; Literacy for All, 2009).
Kuyamangalisa ukuthi othisha bathatha ukufundisa imisindo njengento ehamba phambili
nebaluleke okwedlula konke lapho befundisa ukufunda okubhaliwe. Kanti futhi kuyacaca
nokuthi othisha basuke bengacabangi ngamanye amakhono okufunda okubhaliwe lapho
befundisa, kanye nokuthi injongo yokufunda okubhaliwe iyini. Ngikusho lokhu ngoba
othisha abagqugquzeleli futhi abavezi ukuthi amanye amakhono bayawafundisa yini
kumbe ayingxenye yini yokufunda okubhaliwe lapho befundisa.
5.2.1.2 ISITHOMBE NGABATHI KWENZEKA USUKU NOSUKU
NgoMsombuluko ebangeni lesibili, lapho uthisha eqala efundisa ukufunda okubhaliwe,
uyaye abhale umsindo okugxilwe kuwo ngalelo sonto ungenankamisa, awubhale kahlanu
ngokwehlukana ungabi nabo onkamisa. Okuzolandela lapho ukuba athi abantwana
abayifunde le misindo. Lokhu kwenza ukuba kube umsindo nje ongenamqondo,
157