isahluko 1 - UKZN ResearchSpace - University of KwaZulu-Natal

ndawo lapho lukhulunywa khona kanti futhi ukuhlangana ngokukhuluma nabantu
abakhuluma lolo lulimi kwenza ukufunda ulimi kube lula (Block & Israel, 2005).
Abanye ochwepheshe babala ukuthi umuntu ufunda ulimi ngokulukhuluma nabantu
abalukhulumayo (Bohannan, 1993; Cazden, 1992). Abanye bathi umuntu ufunda ulimi
ngenxa yezinkolelo zama-constructivists, wona agcizelela ukuthi ingane ifunda kangcono
uma iyingxenye yokufundwayo, futhi ibambe iqhaza elibalulekile ekufundeni kwayo.
Lokhu kusho ukuthi ingane kumele ibe nolwazi oluthile ezitholele yona yazibonela yona
ngokwayo ukwenzeka kwento ethile. Ngale ndlela, lokhu kusho ukuthi ulwazi analo
umuntu, avele enalo, izinkolelo avele enazo kanye nezehlakalo zemihla ngemihla aye
ahlangabezane nazo, kunomthelela ekufundeni kwakhe ulimi (Harris & Hodges, 1995, p.
43).
Ukulandela le njulalwazi yama-constructivists, uPiaget uqinisekisa ukuthi ingane ifunda
ukukhuluma kusukela ezintweni ezenzayo; kusukela emagameni efunda ngawo
ukukhuluma afana namabizo athile, izenzo, izinto eziphathekayo kanye nezinto nje eye
izibone zenzeka (Piaget & Inhelder, 1969; Block & Israel, 2005). Kuye kuthathe
isikhathi-ke ukuthi ingane ifunde amagama afana nezichasiso nezandiso kanye
nezincazelo zamagama. Ngokufanayo, uVygotsky (1978), ubeka ukuthi ulimi lukhula
kumntwana ngokuthi ahlale nabantu abadala abalwaziyo, bamgqugquzele, bamkhuthaze
futhi bamelekelele ekufundeni lolo limi (Vygotsky, 1978, 1987,1993; Sulzby, 1986).
Ngokwejwayelekile, ama-constructivists akholelwa ekutheni abantwana bafunda ulimi
ngokulandela imigomo yolimi, okuyinto abazalwa benayo. Ngale ndlela, le ngxoxo
ikhombisa ngokusobala ukuthi ukufunda ulimi kungeke kwaba yinto ongayichaza nje
umnqamlajuqu futhi eyisimbelambela. Ziningi izindlela zokuchaza ukuthi umuntu
ulufunda kanjani ulimi. Ngakho-ke lokhu kuchaza ukuthi asikho isimo kumbe into
okungathi uma uyichaza, kube yiyona ndlela kuphela yokuyichaza, kodwa konke kuncike
ekutheni into oyichazayo uyibuka ngaliphi iso. Kanjalo nokufundisa ukufunda
okubhaliwe, kungeze kwaba yinto engachazwa nje ngendlela eyodwa. Kusho khona-ke
ukuthi kuya ngokuthi lapho ukufunda okubhaliwe kuchazwa, kungabe kwenzeka
122