isahluko 1 - UKZN ResearchSpace - University of KwaZulu-Natal

South Africa faces many challenges in promoting literacy…Books in African
languages are scarce, so children do not have the opportunity to read in their
home language…Poor matriculation results are in part due to the low levels
of students’ reading skills. University students; even those enrolled for the
languages and arts – are not proficient in reading, in terms of international
standards.
(DoE, 2008a).
Ngale kwalokhu, ngomhla ziyi-14 kuNdasa ngowezi-2008, lowo owabe
engungqongqoshe wezeMfundo, uNaledi Pandor, wasungula i-Foundations for Learning
Campaign eKapa. Lo mkhankaso ngoweminyaka emine (kusukela ngonyaka wezi-
2008kuya kowezi-2011). Inhloso yawo ukubhekelela ukuthuthukiswa kwamazinga
okufunda okubhaliwe, ukubhala, kanye nokubala ezinganeni zaseNingizimu Afrika.
(DoE, 2008b, p. 4). Ukusungulwa kwawo lo mkhankaso kwaba yimpendulo yocwaningo
oselwake lwenziwa ezingeni likazwelonke, ezifundeni, kanye nasemazweni omhlaba;
oluveza ukuthi amazinga ezingane okufunda okubhaliwe, ukubhala kanye nokubala,
aphansi kakhulu eNingizimu Afrika. Ngalo mkhankaso, kuhloswe ukuthi ngonyaka
wezi-2011 bonke abafundi abafundiswa ngalolu hlelo lwe-Foundations for Learning
babe sebekwazi ukufunda nokubhala nokubala ngokusezingeni labo lokukhula.
UMengameli wezwe laseNingizimu Afrika, uMnumzane Jacob Zuma, ngomhla ziyi-11
kuNhlolanja ngonyaka wezi-2010, enkulumeni yakhe ayeyethulela isizwe (State of the
Nation Address) ephalamende, phakathi kokunye, wabala ukuthi ngenxa yamazinga
aphansi okufunda, ukubhala nokubala, abafundi bamabanga esi-3, esi-6 kanye nesi-9
bazohlolwa emakhonweni okufunda, ukubhala kanye nokubala. Wabeka kanje
uMengameli uJacob Zuma:
We want to improve the ability of our children to read, write and count in the
foundation years…Unless we do this, we will not improve the quality of
education…All grade three, six and nine pupils will now write literacy and
numeracy tests that are independently moderated.
(Nkosi, 2010, 12 February 2010).
Uhulumeni unethemba lokuthi amazinga ezingane kula makhono anganyuka kusuka
phakathi kwamaphesenti angama-35 kuya kwangama-40, aye okungenani kwangama- 60
ngonyaka wezi-2014. Lokhu kukhombisa khona ukuthi inkinga yamazinga aphansi
11