isahluko 1 - UKZN ResearchSpace - University of KwaZulu-Natal

akusiwona amagama angempela ngenxa yezizathu eziqondene nenkambiso elungileyo
yocwaningo, njengoba kwakungafanelekile ngidalule amagama ezikole namagama
othisha ababeyingxenye yocwaningo.
Okunye okuqaphelekayo ngalezi zikole ukuthi esinye (iMbalenhle) sinawo umtapo
omncanyana wezincwadi, kanti eGolide awubonakalanga nomncane. Izinsizakufunda
zokufunda okubhaliwe zolimi lwesiZulu nakuba ziyimbijana kuzo zombili izikole, kodwa
eGolide ziyimbijana kakhulu kunaseMbalenhle. Nokho-ke zombili lezi zikole azicebile
ngokwezimfanelo ezidingeka ekufundiseni abantwana. Njengoba sengichazile
ngobunjalo balezi zikole, kusobala ukuthi kwakungenzeka kube khona umehluko ngisho
nasekufundiseni kothisha, ngenxa yazo njalo izinsizakufundisa zokufunda okubhaliwe
abazisebenzisayo. Lokhu kunikeza isithombe ngokuthi ukufundisa ukufunda okubhaliwe
kuhamba kanjani kulezi zikole, noma ngabe isikole sinazo izinsizakufundisa ngokwanele,
noma ngabe zinganele. Lapho echaza ucwaningo lwesimo uNieuwenhuis (2008, p. 75)
ubeka kanje:
The term case study has multiple meanings. It can be used to describe a unit
of analysis (e.g. a case study of a particular organization) or to describe a
research method. Depending upon the underlying philosophical assumptions
of the researcher, case study research could be positivist, interpretivist or
critical. A case study does not necessarily mean that one site only is studied.
Nakuba ebeka kanje uNieuwenhuis, kulolu cwaningo akusetshenziswanga neyodwa
kulezi zindlela abeka ukuthi zihambisana nocwaningo lwesimo, okuyi-positivist,
interpretivist ne-critical paradigm, njengoba kulolu cwaningo kwakhethwa
ukusetshenziswa kwe-constructivist paradigm. Isizathu salokhu ukuthi i-constructivist
paradigm iyona eyayizovumela umcwaningi ukuba abuke ukuthi ukufundisa ukufunda
okubhaliwe kwenzeka kanjani ekilasini, uthisha ukwenza kanjani, futhi sithombe sini
esakhekayo lapho uthisha efundisa izingane ukufunda okubhaliwe. Okwesibili, lolu
cwaningo lwalungezukubheka nje kuphela isikole esisodwa, kodwa lwaluzobheka izikole
ezimbili zaselokishini laseMlazi lapho isiZulu sifundiswa njengolimi lwasekhaya
emabangeni aphansi; njengoba sengike ngachaza phambilini kuso lesi sahluko.
Ngokunjalo lapho oCohen, noManion benoMorrison (2008, p. 253) bechaza ucwaningo
lwesimo, baluchaza kanje: “A case study is a specific instance that is frequently designed
94