isahluko 1 - UKZN ResearchSpace - University of KwaZulu-Natal

T: Umfowabo kababa wakho uye uthi ubani-ke?
L: (Abaphenduli)
T: Ubaba…kungaba ubaba omncane noma ubaba omdala.
T: Ukuqhina…kusho ukuthini lokhu, ukwenzenjani lokho?
T: Ukuluka, ubambe izinwele zibopheke.
Lapho esewachazile amagama uthisha, wabe esegxila ekufundiseni imisho. Kule misho
wayehlose ukuthi izingane zazi ukuthi umusho uqalwa ngosonhlamvukazi,
zisetshenziswa kanjani izimpawu zokubhala, njalonjalo. Lapho eseqedile ukuchaza
amagama nemisho uthisha wabe eseyifunda yena kuqala indaba. Eseqedile ukuyifunda
wabuza abafundi imibuzo ngendaba ayekade eyifunda. Lapho esebabuzile wabe esethi
abayifunde bebonke, wabuye wabahlukanisa ngokwamaqembu ukuthi bayifunde.
Babefunda bagcine lapho kusho khona uthisha, kuqhubeke abanye lapho ebamise khona.
Kula magama uthisha ayewachaza, kuyabonakala ukuthi wayengagxilile emsindweni
owodwa, kodwa amagama anemisindo ehlukene. Emva kwalokho uthisha wanamathisela
imisho ebhodini wathi abayifunde. Nansi imisho eyizibonelo:
7.2.1.3.4 NGOLWESINE
Fig. 25 Imisho eyayifundwa
• Uxolo ma, kusho uMaza.
• Ngicela imali bandla.
• Ngicela ukuyoqhina izinwele.
• UMaMtolo unina wavele wangamnaka.
• Ngiyacela mama wami omuhle.
• Unina wamshaya indiva.
• Unina wacasuka. Bama babukana.
Ngosuku lwangoLwesine uthisha wabakhumbuza indaba ababekade bexoxa ngayo
ngayizolo wababuza imibuzo ngayo. Eseqedile wakhipha amagama asikiwe, igama
wayeliphakamisa ukuze abafundi balifunde. Yahamba kanjena inkulumo-mpendulwano:
T: OK, sesiqala-ke isifundo sethu esisha, konje izolo sifunde ngani bangani?
L: Sifunde ngoMaza.
T: UMaza nobani?
253