isahluko 1 - UKZN ResearchSpace - University of KwaZulu-Natal

T: Funda.
L6: Izindaba ku-TV zaziyisiNgisi.
T: Sonke.
L: (Bayasho).
T: Funda.
Cece: Umndeni wawunesikhathi esimnandi.
T: Wafunda Cece…Sonke.
L: (Bafunda bonke).
T: Funda.
L7: Umndeni uqhumise uhleko.
T: Uphakamisa umusho…abafundi bayaphakamisa…..Thando.
Thando: Mama kuthiwani? Bahlekani?
T: Sesishaya owokugcina... uphakamisa umusho…Sakhi?
Sakhi: Awu! kuyinto embi ukungasazi isiNgisi.
Kule misho engenhla, kuyabonakala ukuthi uthisha wayebheka izinhlobo zemisho
ezehlukene, eminye iyimibuzo, eminye kuyimisho eyizitatimende. Le misho yonke
yayimifushane. Lapho eseqedile uthisha waxoxela abafundi indaba eyayikhuluma
ngentombazane uNdumiso owayengasazi isiNgisi ngesikhathi esemncane, ehluleka
ukuzwa ukuthi zithini izindaba ezifundwa kwi-TV zesiNgisi. Indaba ithi ngelinye ilanga
umndeni wakwaDuze wawubuka izindaba. UNdumiso nomndeni babebukela izindaba
ngesikhathi esemncane uNdumiso, engezwa lutho ezindabeni ezazifundwa. Bonke
babehleka endlini kunguye yedwa ongahleki ngoba engasazi isiNgisi. Wehlelwa yizinto
eziningi ayengazithandi uNdumiso ngenxa yokuthi wayengasazi isiNgisi,
njengokuthengelwa izicathulo angazithandi ngenxa yokuthi wayengezwa ngenkathi unina
ekhuluma nomninisitolo ngohlobo lwezicathulo umama wakhe ayemthengela zona, waze
wathengelwa ezingathi ezezalukazi izicathulo ngenxa yokuthi kwavumelana unina
nomdayisi ngazo, uNdumiso engezwa lutho ngenkathi bevumelana. Kanti nangelinye
ilanga unina wamusa kudokotela bavumelana ngokuthi akajove uNdumiso, engezwa
nokuthi bathini ngoba isiNgisi wayengasazi. Nguyena-ke lo Ndumiso owagcina
esekhuluma kahle isiNgisi njengomlungu owagcina esefunda izindaba zesiNgisi kwi-TV.
Ngaleso sikhathi wayesehlala eWestville endaweni yabadla izambane likapondo ngoba
wayesephumelele empliweni (Bheka iseleko se-15 ekhasini lama-381 ngemumva).
256