isahluko 1 - UKZN ResearchSpace - University of KwaZulu-Natal

eyabhalwa ngolimi lwesiZulu kwaba yiBhayibheli elalihunyushelwe esiZulwini
elatholakala ngonyaka we-1883 (Ntuli & Makhambeni, 1998).
Ngonyaka we-1901, uJohn Dube (1871-1946), owayengumZulu wakwaZulu-Natal,
waqala isikole sasoHlange (Ohlange High School Institute), okwaba yisikole sokuqala
saboMdabu baseNingizimu Afrika (Zulu Language Overview, 2010; PanAfriL10n, 2007).
Waphinde waba ngumbhali wencwadi ‘Insila KaShaka’, okuyinoveli eyabhalwa ngolimi
lwesiZulu ngonyaka we-1933. Kanti enye yayinesihloko esithi “Isitha Somuntu
Omnyama Nguye Uqobo”, ayibhala ngonyaka we-1922.
Ngale kokuba wulimi olusemqoka kunezinye izilimi zaboMdabu base-Afrika, imithetho
yobandlululo yangaphambi konyaka we-1994 yenza kwangaba lula ukuthuthukiswa
nokusetshenziswa ngokukhululeka kwalolu limi ezikoleni (Kwintessential, 2009;
Ndimande-Hlongwa, 2009). Ibhodi elalibhekele ukusebenza kwezilimi i-Natal Language
Board kwahamba kwahamba lachithwa, esikhundleni salo kwangena ibhodi lezilimi
zonke zaseNingizimu Afrika, i-Pan South African Language Board (PANSALB),
eyasungulwa ngonyaka we-1995, kulandelwa umyalelo womthethosisekelo wezwe
(Ndimande-Hlongwa, 2009, p. 77). Umsebenzi waleli bhodi ngukugqugquzela
ukusetshenziswa kwezilimi eziyishumi nanye ezisemthethweni zaseNingizimu Afrika
(Ndimande-Hlongwa, 2009, p. 77). Leli bhodi labuye labuyekezwa ngonyaka we-1999
kulandelwa umthethosisekelo we-1996, ukuze libhekane nezilimi zonke ezisemthethweni
zaseNingizimu Afrika, ikakhulukazi ezomdabu.
Nakuba lolu limi lufundiswa njengesinye sezifundo ezifundwayo ezikoleni, luphinde
lusetshenziswe njengolimi lokufundisa emabangeni aphansi, ukusukela ebangeni
lokuqala kuze kufike kwelesithathu (DoE, 1997). IsiZulu siyatholakala emisakazweni
esakaza isiZulu nakwamanye amashaneli kamabonakude, lapho nezinye izilimi
zesiNguni zitholakala khona. Ngale kwalokhu, kunamanye amaphephandaba (Ilanga,
Isolezwe, Um-Afrika, ne-Sunday Times) abhalwe ngesiZulu, namaphephabhuku
(njengeBona Magazine) alolu limi. Izilimi zezigodi (dialects) zesiZulu zahlukahlukene,
kuye ngendawo lapho zisetshenziswa khona. Lapha ngingabala isiZulu esikhulunywa
25