isahluko 1 - UKZN ResearchSpace - University of KwaZulu-Natal

ikwazi ukuzitholela ngokwayo ebingakwazi; kanti futhi uthishambumbulu uyakhuluma
nje abafundi balalele, ekubeni umholi nomlawuli ongumelekeleli wengane ekilasini eba
nenkulumo-mpendulwano eqhubekayo nekilasi lakhe (Rhodes & Bellamy, 1999).
Kanjalo futhi, umholi nomlawuli wokufunda kumele akwazi ukuqamba indlela
ezokwenza abafundi bacacelwe okufundwayo, akwazi ukubacathulisa baze bafike
ekwazini.
Ngokwehlo lenjulalwazi i-social constructivist, ukufunda okubhaliwe kunezimpawu
eziningi. Okokuqala nje, ukufunda kusondelene nokwenzeka emqondweni (cognitive
behaviour) futhi kuhlanganisa izinto ezintathu eziphathelene nombhalo nolimi (ulwazi
lokubona / lokuhlonza amagama ‘word recognition’, nama-‘phonographic features’
kanye nokwakheka kwemisho ‘syntax’, kanye nezinto ezintathu ezisondelene
nokusemqondweni (background knowledge, intratextual perceptions, and-
metacognition). Okwesibili, ukufunda okubhaliwe kungabukwa njengento eyenzeka
ngenxa yokwenzeka emphakathini kanye nenhlalo yabantu ngenxa yokuthi izinto
ezenzeka emphakathini zineqhaza ezilibambile kokwenziwa umfundi wombhalo.
Okwesithathu, ukufunda okubhaliwe kuhambisana nesimo esithile (is situational) ngoba
abafundi abehlukene bafunda imibhalo ezindaweni ezahlukene ezingefani, okuyinto nayo
enomthelela. Isibonelo; abafundi bemibhalo baye bakhombise amazinga okufunda
ahlukahlukene kuye ngohlobo lwemibhalo abayifundayo nezindawo abakuzo (Cheng,
2003; Bernhardt, 1991). Isibonelo; akulula nje ukuba umfundi wasedolobheni afunde
kahle ngempumelelo futhi aqonde umbhalo okhuluma ngethala lemikhonto, igoqo
lengulube, ukusinda ngobulongwe, ukwakha inqolobane uma engakaze akubone noma
aphile kukho; kodwa umfundi wasemakhaya unaso ngokucacile isithombe ngalezi zinto,
ngakho kungaba lula lapho engafunda umbhalo ehlangabezana nalezi zinto azaziyo.
I-social constructivism iyahambisana nenqubomgomo ye-Outcomes Based Education 7
.
Lokhu kungenxa yokuthi abafundi bemibhalo basebenzisa amakhono okuhlanganisa
7 I-Outcomes Based Education yindlela esetshenziswa ngothisha baseNingizimu Afrika yokufundisa
okwamanje nakuba uNgqongqoshe wezeMfundo Yamabanga Aphansi, u Angie Motsekga, esememezele i-
119