isahluko 1 - UKZN ResearchSpace - University of KwaZulu-Natal

T: Izolo sifunde umsindo omusha okungumsindo u ‘ph’,sithe lo msindo wakhiwa imisindo
emibili okungumsindo wepani(p) nomsindo wehawu(h), bese lokhu kwenza u ‘ph’
T: Ake sizame ukufunda la magama asebhodini anomsindo ka-‘ph’. Asifunde elokuqala
L: iphaphu
T: Asifundeni onkamisa
L: a, e, i, o, u ( unkamisa nonkamisa bawuphinda kabili)
T: Uthisha wabo uyabakhombela futhi ufunda kanye nabo.
L: pha, phe, phi, pho, phu( nalapha baphinda kabili)
T: Asifundeni-ke amagama
L: (Bafunda amagama anomsindo ka ‘ph’ abebewenza izolo.
Okwakwenzeka emva kwalokhu kwakuba ukuthi othisha batshele abafundi ukuba beze
ngaphambili bazofunda amagama abakade bewafunda ngayizolo. Lawo magama ayesuke
evele ekhona ebhodini engacishiwe. Lapho befunda igama negama uthisha
wayebakhombela ngenduku. Lokhu kukhombisa ukuthi uthisha wayebafundisa ulwazi
lokubona/lokuhlonza amagama. Emva kokuba sebelifundile igama negama, babexoxa
ngalo, uthisha abachazele ukuthi liyini lelo gama, ethola nezimpendulo kubo abafundi.
Ngale ndlela ukufundisa izincazelo zamagama yinto othisha ababeyenza lapho befundisa
imisindo ngokuthi bakhe amagama bese bewachaza. Usuku lwangoLwesibili kulapho
kwakuqapheleka khona ukuthi amagama ayekade efundwa ngayizolo ayesebhodini kanye
namanye ambalwa amasha ayesuke enezelelwa kwangawayizolo, ayechazwa kabanzi,
kuxoxwe ngawo futhi. Lokhu othisha babekwenza ukuze kwakheke isithombe esigqamile
ezinganeni ngalawo magama. Isibonelo, ngezansi kucashunwe amazwi enkulumompendulwano
phakathi kukathisha uMbali nabafundi bakhe emva kokuba sebefunde
umsindo ka ‘ph’:
T: Ubani ongangitshela igama elilodwa asalikhumbulayo esilifunde izolo.
L: Uphaya
T: Yebo uphaya, ubani owazi uphaya? Yini uphaya.
L: Uphaya uyadliwa
T: Yes uphaya uyadliwa nami ngiyawuthanda uphaya.
T: Elinye
L: Phephetha
T: Ukwenzenjani ukuphephetha? Yini epheshethwayo?Ake umuntu aphephethe isandla
sakhe .
L : Baphephetha abafundi
T: Naye wathatha iphepha waphephetha
T: Uma ngiphephetha iphepha lenze njani iphepha?
199