isahluko 1 - UKZN ResearchSpace - University of KwaZulu-Natal

laseNingizimu Afrika kuphela, kodwa ezinye zimbandakanya amazwe amaningi ase-
Afrika. Lapha ngibhekise enhlanganweni yothisha bezilimi zabomdabu, i-African
Language Teachers Association (ALTA), eyasungulwa kwelaseMelika. Kule nhlangano
othisha bamazwe ase-Afrika kanye nabakulawo mazwe lapho lezi zilimi zifundiswa
khona, bayahlangana minyaka yonke engqungqutheleni eba seMelika bacobelelane
ngolwazi mayelana nokufundiswa kwalezi zilimi, nokunye okuphathelene nazo.
Bakwenza lokhu ngokwethula amaphepha emibiko yabo mayelana nalezi zilimi.
Ngonyaka wezi-2006, uMnyango Wezabasebenzi wasungula iphrojekthi okwakuhloswe
ngayo ukuthuthukisa ulwazi lokufunda okubhaliwe nokubhala (literacy) kubantu
abangasebenzi kanye nalabo abasebenza imisebenzi eholela kancane. Nokho-ke, lolu
hlelo lwenziwa ngolimi lwesiNgisi, hhayi ngesiZulu. Iminyango yeMfundo
yezifundazwe, imikhandludolobha, ama-Sector Education and Training Authority
(SETAs) 3
, ezamabhizinisi kanye nezinhlangano ezinkulu ezingenganyelwe uhulumeni,
njenge Project Literacy ne-Stigting vir Bemagtiging deur Afrikaans nakho kuyingxenye
ezinhlelweni zokuthuthukisa ulwazi lokufunda okubhaliwe nokubhala (Van der Rheede,
2008, p.1).
Ngale kwalokhu, iNingizimu Afrika ibambe iqhaza ekusungulweni kwamasu okufunda
ezinhlelweni ezahlukahlukene zeNhlangano Yezizwe. Lapha singabala i-UNESCO
Literacy Decade 2003-2013, ne-Education for All (EFA), okuhloswe ngakho
ukuthuthukiswa kwamazinga okufunda okubhaliwe kanye nokubhala ngamaphesenti
angama-50 ngonyaka wezi-2015 (DoE, 2008a, p. 4). Okuyiwona mongo walezi zinhlelo,
yi-Millenium Development Goals (MGDs). Ukuthuthukiswa nokugqugquzelwa
kwamazinga okufunda nokubhala kungezinye zezinhloso zama-MDGs.
I- DoE (2008a) ibeka kanje:
3 SETA stands for Sector Education and Training Authority. The members of a SETA include employers,
trade unions and government departments. SETAs are established by the Minister of Labour in terms of the
Skills Development Act. The functions of SETAs are listed in that Act. These include the development and
implementation of a sector skills plan, registering and promoting learnerships and applying to SAQA for
accreditation as an Education and Training Quality Assurance body (ETQA) for qualifications in its sector.
10