isahluko 1 - UKZN ResearchSpace - University of KwaZulu-Natal

eliphezulu, abafunda umbhalo ngokuwuqondisisa, futhi bakuthokozele ukufunda
okubhaliwe. Lokhu kuyahambisana nokwake kwatholwa nguDuffy (2002) obika ukuthi:
In the early 1900s through 1960, reading for comprehension was a desirable
outcome, but we had no real understanding of how reading comprehension
worked or how you taught it. We assumed comprehension was primarily a
matter of intelligence: if your students were smart and could decode, they
would comprehend. But you didn’t teach it (p. xiii).
Lo mbiko ongenhla ugcizelela khona okwatholwa nguDurkin (1978) mayelana
nokungafundiswa ngendlela ezokwenza abafundi bazuze amakhono okufunda
okubhaliwe ngokuqondisisa. Indlela abakwenza ngayo othisha ukufundisa ukufunda
okubhaliwe kuba sengathi inhloso yakho ukuhlola abafundi ukuba bahlakaniphile yini.
Ngale ndlela bajaha ukubabuza imibuzo ekugcineni kwesifundo, kube sengathi yiyona
nto ebalulekile ukuthi umfundi ukwazi ukuphendula emingaki imibuzo, kodwa bebe
bengabalekelelanga ngendlela yokubathuthukisa ekwakheni umqondo ngabakufundayo.
Ngenxa yokungabi nalo ulwazi olwanele ngokufundisa ukufunda okubhaliwe,
kubonakala ukufundisa ukufunda okubhaliwe kunenhloso yokuthi izingane zikwazi
ukubhala amagama ngesipelingi esiyiso. Lapho ukufunda okubhaliwe kuhambisana
nokubhala, kuba nemiphumela emihle. Kodwa akusho lokhu ukuthi inhloso yokufundisa
ukufunda okubhaliwe ukwenza ukuba abantwana babhale kahle. Okubalulekile ukuthi
bakwazi ukuthola amakhono okufunda umbhalo ngokuwuqonda, ngoba uma sebekwazi
ukufunda umbhalo ngokuwuqonda, bangakwazi futhi nokubhala. Lokhu kungenxa
yokuthi ucwaningo luveza ukuthi ukubhala nokufunda okubhaliwe kumele kuhambisane
(Commeyras, 2009). Nokho-ke akusho ukuthi ukufunda okubhaliwe kumele isikhundla
sakho sithathwe ukubhala emabangeni aphansi.
UPressley (2002, p. 355) ugcizelela ukuthi abantwana lapho befundiswe kahle ukufunda
okubhaliwe nokubhala, baba ngabafundi abahle bemibhalo, baphinde babe ngababhali
abahle futhi (p. 355). Lokhu-ke kunikeza isithombe sokuthi uthisha kufanele athi
ethuthukisa ikhono lokufunda okubhaliwe, angalishalazeli nelokubhala, akhule
kanyekanye la makhono.
287