isahluko 1 - UKZN ResearchSpace - University of KwaZulu-Natal

yokulandelisa, eyayilandela umbuzo ohleliwe, uma ocwaningwayo kwakudingeka
acacise iphuzu elithile elivele kwakushilo.
Emva kwalezi zingxoxo ngabe sengihlala amasonto amabili esikoleni sokuqala
(iMbalenhle) esinothisha abayisithupha ababecwaningwa ukuyob abuka befundisa.
Kothisha abafundisa ibanga lesibili ngahlala isonto lonke, kanjalo nakwabebanga
lesithathu ngaphinde ngahlala isonto lonke. Ngamanye amazwi ngaba namasonto amabili
agcwele ukuqoqa ulwazi lokubuka othisha befundisa esikoleni sokuqala, iMbalenhle.
Kanti kwesesibili (iGolide) ngahlala isonto elilodwa kuphela, ngenxa yokuthi babebabili
kuphela othisha ababeyingxenye yocwaningo, ngakho kwakulula ukubabuka befundisa
bobabili ngalusuku lunye. Lokhu kwenzeka ngenyanga kaNdasa ngonyaka wezi-2010.
Isikhathi sokufundisa ukufunda kwakuba yihora eligcwele esikoleni iMbalenhle kubo
bonke othisha, kanti esikoleni iGolide nakuba isikhathi esiningi kwakuba yihora
eligcwele, kodwa ngezinsuku ezimbili kwaba yimizuzu engamashumi amathathu.
Ngesikhathi ngibuka othisha befundisa, ngangibhala amanothi, bese umsizi esebenzisa
isithwebulizithombe esinesiqophamazwi. Lokhu kwenzeka kuzo zombili izikole.
UBabbie (2007, p. 311) ugcizelela ukuthi: “Even if you pride yourself on having a
photographic memory, it’s a good idea to take notes either during the observation or as
soon afterward as possible.” Ngakho-ke kwasiza ukuthatha amanothi njengoba konke
okwabe kwenzeka, ngangikubona, ngikubhala phansi ukuze ngenze isiqiniseko ngokuthi
onke amaphuzu amqoka ngiwathathile. Lokhu kwakuzosiza lapho sekuhlaziywa
okutholakele. Nakhona lapho ngangisebenzisa i-observation schedule ngibheka
okwenzeka ekilasini. Ngaphandle kokubuka okwakwenzeka ekilasini ngesikhathi othisha
befundisa ukufunda okubhaliwe, ngabuye ngacela imithombo eyabe isetshenziswa
ngothisha nokuyiyona eyabe ibasiza ekutholeni ulwazi ngokufundiswa kolimi lwesiZulu,
okuhlanganisa nokufundisa ukufunda okubhaliwe. Ngacela nemisebenzi embalwa
yezingane, ebhaliwe, njengoba bagcizelela othisha ukuthi lapho behlola izingane
ukufunda okubhaliwe, bakwenza lokho ngemisebenzi ebhaliwe. Lokhu
ngangizokusebenzisa lapho sengihlaziya okutholakele. Lapho sengiqedile ukuqhuba
ucwaningo, ngabe sengibhala phansi izingxoxo ezaziqoshiwe kanye
108