Radio is dead-Long live the Radio.pdf - Universidad del País Vasco

‘Euskadi Irratia’: Nortasuna + albistegintza-eredua = nortasun-eredua
la, ‘Euskadi Irratia’-k horien edukia kontrolatu ezin izan badu ere. Beraz, horikeria
baztertzen duen ezaugarri nagusian ‘Euskadi Irratia’-k profesionaltasun maila altua
erakusten du.
3.1.5. Informazio-elementu gehigarrien egokitasuna
Albistearekin batera agertzen dituen elementu gehigarriak (adierazpenak,
soinuak…) informazio osatzeko baliagarriak izaten dira, bizpahiru W-galderaren
erantzuna dakartelako, gehienetan “nork” (aurkeztutakoan, ahotsak identifikatzen
du) eta “zer” (bere adierazpenak) itaunak. Elementu gehigarri horiek esanguratsu
suertatzen dira, adibidez:
“(Esatariak): Bertsolari askok kantatuko dutela bai, baina izenik ez dago
karteletan: ez dakigu nortzuk abestuko duten. Erabaki horrek badu zentzua
aurtengo Bertso Egunean:
(Maialen Lujanbiok): «Kontzeptu jeneralarekin bat datorren erabakia, galdera
bat plazaratu nahi duena: ‘Inporta al du zeinek kantatuko duen?’»”
(2008/01/22)
‘Euskadi Irratia’-k zabaldutako albisteen herenak, baina, W-galdera bakar bati erantzuten
dio, “nork” hain zuzen. Horrelakoetan, “zer” itauna albisteak berak eman du.
Beraz, elementu gehigarriak ez du “zer” informaziorik osatzen. Horrelakoak betelantzat
hartu ditugu, esaterako:
“(Esatariak): Izan ere, eskandulugarria egiten zaio Joseba Azkarraga sailburuari,
Legebiltzarrak lege-proiektua onartu aurretik, Espainiako Gobernuak
jada helegitea iragartzea. Erabat legezkoa da egitasmoa eta, horregatik,
helegitea baztertzeko eskatuko dio Jaurlaritzak Zapaterori, agindutakoa betetzen
badu. Jarrera horrekin ETAri mezu arriskutsua bidaltzen dio Zapaterok,
Azkarragaren ustez, Espainiako Gobernuak ETArekin baino ez duela
negoziatuko; sekula ere ez, euskal erakundeekin:
(Joseba Azkarragak): «Espainiako Gobernuak ETAri oso mezu arriskutsua
bidaltzen dio: “Egon lasai, ez dugu inoiz negoziatuko euskal erakundeekin
eta lehendakariarekin euskal gizarteak duen erabakitzeko eskubidea. Hori
zuekin bakarrik egingo dugu”. Hauxe da Zapaterok bere erabakiarekin zabaltzen
duen mezu ikaragarria».” (2008/05/29)
The Radio is dead. Long live the Radio!
315