Radio is dead-Long live the Radio.pdf - Universidad del País Vasco

Amaia Nerekan
Baina, euskara hutsezko irratientzat gordetako lizentziak gutxi badira, irrati libre eta
komunitarioentzat ez da lizentzia bat ere gordeko. Izan ere, tokiko irrati txiki hauek
estatu-kate handien maila berean jartzen ditu dekretuak eta baldintza berberetan lehiatzera
behartzen ditu. Hala, ez da kontutan hartzen urteetan zehar hirugarren sektoreko
irrati hauek egindako lana eta tokian tokiko informazioa izatearen garrantzia.
Modu honetan, logikoa da pentsatzea arrain handiak arrain txikia jango duela, hau
da, irrati libre eta komunitarioek irrati komertzial handien aurrean ezer gutxi lortuko
dutela. Horrela izatekotan, EAEko irratigintzan hutsune nabaria izango da, ez baita
tokian tokiko informazioa eskaintzen duen irratirik ea egongo.
“En el proyecto de decreto de comunicación audiovisual del Gobierno López se
renuncia tanto a una radio vinculada social y comunitariamente, como a que tenga
un carácter compensatorio respecto al inaceptable reparto actual del espectro. (...)
Es inadmisible que el pluralismo no mueva a dar prioridad a nuevas personas físicas
o jurídicas que no estén hoy en el dial o a aquellas que tienen menos peso en
el mismo; y que, frente al modelo de cadenas, no sea un criterio la vinculación del
prestador de servicio a la zona de servicio a la que se dirige, o que no se den prioridad
a las ofertas de programación cultural, educativa, de servicios y de atención
comunitaria para sectores y colectivos que merezcan una especial atención, o a las
ofertas que habiliten espacios para la participación. Estos criterios ampararían a
las comunitarias y locales” (Lasagabaster eta Zallo, 2011).
d) Alegazioak
Dekretu honek kezka eta ezinegona eragin du Arrosa osatzen duten irratien artean.
Horregatik, dekretua oraindik onartuta ez zegoenean, hau da, dekretu-proiektua
besterik ez zenean, ezinbestekotzat jo zuten dekretu-proiektuari alegazioak egitea.
Eusko Jaurlaritza eurekin dekretu-proiektuaren inguruan hitz egiteko harremanetan
ez jarri izana salatzen dute. Izan ere, normalean, horrelako lege edo dekretu bat garatzen
denean, zeregin horretan daudenek sektoreko profesional eta ordezkari ezberdinekin
harremanetan jarri ohi dira iritziak jasotzeko, proiektuaren inguruan eztabaidatzeko
eta nolabaiteko adostasun batera heltzeko. Baina, kasu honetan, Arrosa
elkartekoek 2011ko martxoaren 7an zabaldutako prentsa oharrean salatzen dutenez,
“Eusko Jaurlaritzako inor ez da urteetan lan egiten ari garen irrati komunitario
(edo libreekin) eta euskaldunekin kontaktuan jarri gure iritzia entzun edo gure ekarpenak
jasotzeko” 5 .
5 Prentsa oharra honako helbidean aurki daiteke: http://www.halabedi.org/index.php?option=com_co
ntent&view=article&id=1220:arrosa-irrati-sarea-eae-ko-ikus-entzunezko-komunikazioari-buruzkodekretu-proiektuaz&catid=42:intro&Itemid=65
(kontsulta: 29-09-2011).
370
The Radio is dead. Long live the Radio!