Radio is dead-Long live the Radio.pdf - Universidad del País Vasco

Hizkuntza gutxituak eta identitateak: irrati
kazetarien perfilak Radio nan Gaidheal
(BBC) eta Euskadi Irratian (EITB)
Minority language and identity: radio nan
Gaidheal (BBC) and Euskadi Irratia (EITB)
radio journalists’ profiles
Irati Agirreazkuenaga Onaindia
Universidad del País Vasco-Euskal Herriko Unibertsitatea (UPV/EHU)
irati.agirreazkuenaga@ehu.es
Laburpena
Informazio, eztabaida eta iritzi eremu publikoak sortuz, komunikabideek linguistikoki gu-
txitutako komunitateei gizarteko alor guztietan parte hartzeko aukera ematen diete. Haririk
gabeko hedabidea komunitate bati lotutako lagunarteko komunikabide hurbila bezala defini-
tua izan da; eta hedabide horren komunikazio tresna nagusia hizkuntza gutxitu bat denean,
hurbiltasun eta batasun funtzio horiei, komunitate horrek gizarte linguistikoki askotariko ba-
tean bere lekua izateko gaitasuna gehitu behar zaio. Hain justu, audientzia edo publiko baten
sorrera, ikus-entzule/irakurleak komunitate baten parte izatearen sentsaziora gidatzen dituen
integrazio prozesua dugu (Cormack, 2000). Azterlan honek bi ikerketa kasutan lortutako da-
tuak aurkezten ditu. Alde batetik, Euskadi Irratia (EITB), euskarazko irrati publikoa, eta bes-
tetik BBC Radio nan Gaidheal, eskoziar gaelikoz mintzatzen den Eskoziako irrati publikoa.
Helburua kazetarion eguneroko lan errutinak behatzea eta beraien nortasuna azalarazten
dituzten ezaugarriak ezartzea da. Horretaz gain, zeharkako jomuga izango dugu hizkuntza
gutxituetako irratigileak konparatu ahal izateko irizpideak finkatzea, sakoneko elkarrizketak
erabiliz tresna nagusitzat. Ondorio bezala azpimarratzekoa da, eguneroko lanaren oztopoetan
eta profesionaltasunean bi erredakzioetako kazetariak bat datozen heinean, desberdintasunak
ageri direla audientziaren irudikapenean, hizkuntzak aurre egin behar dien arazoetan eta irra-
tiaren beraren helburuetan.
Gako-hitzak: Hizkuntza gutxituak, irratia, identitatea, kazetariak, Euskadi Irratia, Radio nan
Gaidheal.