Radio is dead-Long live the Radio.pdf - Universidad del País Vasco

Euskara eta hirugarren sektoreko irratiak EAEn: problematika eta perspektibak
eta irratia euskara sustatzeko tresna gisa erabili ohi dute, besteak beste. Baina, tama-
lez, sabuespen horiek kenduta EAEko irratigintzan euskarazko irratsaioak entzutea
zaila da.
Orain, FMko hogeita hamalau lizentzia gehiago banatzeke daude. Hala ere,
jarraian ikusiko dugunez, frekuentzia horiek ez dira nahikoak izango eta ez diru-
di lizentzia berri horiekin euskararen presentzia EAEko irratigintzan areagotuko
denik:“Hego Euskal Herriko dialean, ur-tantak dira euskaraz eskaintzen diren
irratsaioak, gehienak oso irrati txikietatik eskainiak, eta maiztasun-banaketa be-
rriak ez du lehortea konponduko, are gutxiago dagoneko saturaturik dagoen dial
batean, ez behintzat irrati-kate handiek euskarazko programazioa egiteko beharrik
edo berezko motibaziorik ez duten bitartean...” (Gutiérrez Paz, 2008:235).
4. Ikus-entzunezko Komunikazioari buruzko dekretua
a) Hogeita hamalau lizentzia gehiago
Espainiar Estatuak Frekuentzia Modulatuko (FMko) Irrati-hedapenerako Plangintza
Tekniko Nazionala onartu zuen 2006ko irailaren 1ean, 964/2006 errege-dekretuaren
bidez. Plangintza Tekniko honek 1979koa ordezkatzen du eta EAEn 34 maiztasun
berri aurreikusten ditu.
Plangintza Tekniko berrian bertan azaltzen denez, aurreko plangintzak “no pro-
porciona satisfacción a la realidad del sector radiofónico inmerso en un proceso
de gran crecimiento, y ha revelado la necesidad de incrementar el número de fre-
cuencias destinadas tanto a la programación pública para desarrollar la cobertura
de las redes institucionales como a la programación privada para incrementar la
pluralidad informativa”.
Hala, 34 lizentzia banatu behar dira. Hala ere, 34 lizentzia horiek ez dira nahikoa,
momentu honetan lizentziarik gabe emititzen diharduten irratiak gehiago direlako.
Beraz, logikoa da pentsatzea eskaria eskaintza baino handiagoa izango dela, “askaturiko
frekuentzia gutxiegi baitira lizentziarik gabe emititzen duten irrati guztiak
legeztatzeko, eta, 1987. eta 1989. urteetako banaketetan gertatu zen moduan, askoz
gehiago dira kontzesio bat lortzeko lehiatuko diren irratiak bat eskuratuko dutenak
baino” (Gutiérrez Paz, 2008: 237).
Dena dela, ondorengo taulan ikus dezakegu EAEn dauden irrati-lizentzien zerrenda.
Alde batetik, dagoeneko existitzen direnak agertzen dira eta bestetik, banatzeke
dauden 34 lizentzia horiek:
The Radio is dead. Long live the Radio!
365