Radio is dead-Long live the Radio.pdf - Universidad del País Vasco

Amaia Nerekan
Orain, irratiaren txanda da. FMko hogeita hamalau lizentzia banatu behar dira eta Eusko
Jaurlaritzari dagokio lizentzia horiek banatzerakoan kontutan hartuko diren irizpideak
zehaztea. Zeregin horretan dihardu, hain zuzen ere, Patxi Lopezen lan taldeak. Hala, Ikusentzunezko
komunikazioari buruzko dekretua garatu du. Bertan, FMko hogeitamalau irrati
lizentzia horiek eskuratu ahal izateko betebeharreko baldintzak ezartzen dira.
Dekretu honek kezka eta ezinegona eragin du. Izan ere, euskara gutxiesten du. Euskara ez
da betebehartzat hartzen, ez dira derrigorrezko gutxieneko batzuk ezartzen, gaztelania nagusi
den dial saturatu baten aurrean gaudela jakin arren. Irrati libre eta komunitarioek egindako
lana ere gutxiesten da, lizentzia bakar bat ere ez baita irrati komunitarioentzat gordetzen.
Irrati komertzialen baldintza berberekin lehiatzera behartuta egongo dira tokiko irrati txiki
horiek.
Globalizazioaren garaian tokikoak duen garrantzia beraz ez da kontutan hartzen, esparru
lokala komunitate kultural ezberdinen biziraupenerako funtsezkoa bada ere. Gauzak honela,
dekretu hori tartean, gaur egun dugun irrati dial erdaldun, monolitiko eta komertziala indartuko
da eta berriro ere euskara eta hirugarren sektoreko irratiak (irrati libreak, komunitarioak,
alternatiboak, etab.) kaltetuak izango dira.
Gako-hitzak: Irrati askeak, Irrati alternatiboak, Irrati komunitarioak, Hirugarren sektoreko
irratiak, Euskarazko irratiak, Ikus-entzunezko Komunikazioari buruzko dekretua.
358
The Radio is dead. Long live the Radio!