Radio is dead-Long live the Radio.pdf - Universidad del País Vasco

Euskara eta hirugarren sektoreko irratiak EAEn: problematika eta perspektibak
Hirugarren sektoreko Euskal Herriko hainbat irratik elkarlanerako sare bat antola-
tu zuten 2002an: Arrosa, alegia. Irratien elkarlanerako sortua, zerbitzari bati esker,
elkarte horretako kide diren irratiek edukiak partekatzeko aukera dute. Hala, irrats-
aio batzuen elkar trukeaz gain, irratsaio bateratu batzuk ere ekoizten dituzte. Era
berean, web orri bat ere badute (www.arrosasarea.org), non elkartearen inguruko
informazioaz gain, bertako kideen emanaldiak streaming-ean entzuteko aukera es-
kaintzen den.
Web orrian bertan azaltzen denez, “Arrosa Irrati Ekoizpen Zentroa Euskal Herri
osoko hogeitik gora irratiren elkarlan proiektua da”. Gehienak irrati txikiak dira,
tokiko mailan (herria, eskualdea edota herrialdea) aritzen direnak, euren bereizga-
rririk nagusia euskaraz dena edo ea dena emititzea delarik. Arrosa elkartearen kide
dira: Antxeta Irratia, Arraio Irratia, Arrakala Irratia, Eguzki Irratia, Gure Irratia, Hala
Bedi Irratia, Info7, Irulegiko Irratia, Koska Irratia, Matrallako Irratia, Molotoff Irra-
tia, Oiartzun Irratia, Tas Tas Irratia, Txapa Irratia, Txolarre Irratia, Uhinak Irratia,
Xiberoko Botza, Xorroxin Irratia eta Zintzilik Irratia 3 .
Nahiz eta irrati guzti hauek bere autonomia eta izaerari eusteko borondatea izan,
komunean dituzten zenbait helburu eta jarduera indarberritzeko asmoz elkartu dira
Arrosa izeneko egitasmo honen inguruan. Hala, honakoak dira Arrosa elkartearen
funtzio orokorrak (Jauregi, 2006):
- Euskal Herriko komunikazio kohesioa bultzatzea.
- Euskararen erabilera sustatu eta euskalkien ezagutza zabaltzea.
- Euskal Herriko irratien arteko harremanak sakondu eta haien arteko
elkarlana bultzatzea.
- Baliabideen (giza eta materialak) trukaketa sustatzea.
Baina, Arrosa irrati elkartean biltzen diren irrati guztien egoera ez da berdina. Alde
batetik, Iparraldean kokatzen direnak daude. Hauek euren izaera komunitarioa onar-
tuta daukate eta emititu ahal izateko baimena / lizentzia dute. Hegoaldeko irratiek,
ordea, FMn aritzeko lizentzia gabe emititzen dihartute. Eta, ikerlan honetan ikusiko
dugunez, lizentzia bat lortzeko aukera gutxi izango dute.
3 Arrosaren web orrian bertan eskuragarri dagoen zerrenda da ikerlan honetan jasotzen dena. Bertan,
Arrosa Elkarteko kideak diren irratiak agertzen dira, batzuk 2. taulan daude, beste batzuk, berriz,
ez; 2. taula hori EAEra mugatzen delako eta Arrosa Elkartea, ordea, Euskal Herri mailan lan egiten
duelako.
The Radio is dead. Long live the Radio!
363