Radio is dead-Long live the Radio.pdf - Universidad del País Vasco

Euskara eta hirugarren sektoreko irratiak EAEn: problematika eta perspektibak
“El ámbito de la comunicación alternativa agrupa a los diversos modos de discurso
presentes en la esfera pública que no forman parte de la esfera burguesa –a la que
se oponen y de la que a menudo son excluídas-, sino que configuran más bien un espacio
“plebeyo”, en el cual se expresan los deseos de todos aquellos sujetos y colectivos
que, por razones de clase, etnia o género, entre otras, no son reconocidos como interlocutores
válidos en el ámbito dominante” (Barranquero eta Sáez Baeza, 2010: 5).
Modu honetan, bada Mundu mailako Irrati Komunitarioen Elkarte bat, AMARC
izenekoa (Asociación Mundial de Radios Comunitarias), alegia. Komunitarioak, askeak,
alternariboak,... dena delako izena izanda ere eta ñabardura bereizgarri batzuk
egon arren, hirugarren sektoreko irrati hauek komunean dituzten ezaugarriak bereizten
dituztenak baino gehiago dira (Gutiérrez Paz, 2008):
1. Denak hurbileko informazioa eskaintzen duten tokiko komunikabideak
dira. Euren emisio-esparrua mugatua izaten da, gehienak herri edo auzo
irratiak dira. Baina, interneten agerpenari esker, emisio-esparru hori erabat
zabaldu da kasu askotan, eta hortaz, emisio-esparrua edo estaldura ez da
tokikotasun hori neurtzeko irizpide egokiena. Modu honetan, gertutasuna
izango da tokiko komunikabideez hitz egiteko orduan kontuan hartuko
den irizpidea; gertuko informazioa eskaintzea, gertuko aferak kontuan
hartzea eta tokian tokiko biztanleen partaidetza bultzatzea, alegia.
2. Herri-ekimenez sortutako irratiak dira. Hala, kultur edota gizarte eragileak
daude irrati hauen oinarrian. Izan ere, herri mungimenduei lotuta
egon dira beti hirugarren sektoreko irratiak. Feministak, homosexualak,
antimilitaristak, kultura txikietako ordezkariak, euskara bultzatu nahi
dutenak, etab., maiz hedabide handietan lekua aurkitzen ez dutelako,
irratia erabili izan dute bozgorailu moduan. Irrati bat sortzea ez baita
bereziki garestia.
3. Autogestionaturiko proiektuak dira. Hala ere, hirugarren sektore horretan
biltzen diren irrati hauetako batzuk publizitatea onartzen dute; beti
ere irrati emandegiaren printzipio ideologikoen eta izaeraren kontra ez
doan publizitatea bada.
4. Irabazi asmorik gabeko irratiak dira. Oro har, hirugarren sektoreko irrati
hauek oso aurrekontu txikiekin lan egiten dute.
5. Boluntarioen eta kolaboratzaileen lana funtsezkoa da euren biziraupenerako.
Izan ere, autogestionaturiko eta irabazi asmorik gabeko irratiak
The Radio is dead. Long live the Radio!
361