Radio is dead-Long live the Radio.pdf - Universidad del País Vasco

Maria González
Dena den, ‘Euskadi Irratia’-k oso esanguratsutzat hartutako elementu gehigarriak
ere erabiltzen ditu, bost W-galderari erantzuten dietelako: “nork” (aurkeztutakoan,
ahotsak identifikatzen du), “zer” (adierazpenak), “zelan” (kaleko giroa jasotzen duen
soinua denean), “non” (adierazpenetatik ondoriozta daiteke), “zergatik” (adierazpenek
azaltzen dutelako)”. Hona hemen bost W-galderari erantzuten dien albisteak erabilitako
informazio-elementu gehigarria:
316
“(Esatariak): Onartuta geratu da, pleno monografikoan, kontsultarako legeproposamena
Eusko Legebiltzarrean. Izaskun Bilbaok (Legebiltzarreko lehendakariak)
jakinarazi du bozketako emaitza 13:15ean:
(kaleko giroa eta Izaskun Bilbaoren ahotsa): «Emaitza hau izan da: guztira,
74: ezezkoak, 33; zazpi, abstentzio; eta baiezkoak, 34. Beraz, onetsi egin
da ‘Bakea eta normalizazio politikora iristeko prozesu bat irekitzeari buruz
EAE herritarren iritzia eskatzeko herri galdeketa bat deitzeko eta arautzeko
lege-egitasmoari buruzko legea’».” (2008/06/27)
‘Euskadi Irrati’-ko albisteek erabilitako informazio-elementu gehigarrien egokitasuna
honela sailka daiteke: %61,35, esanguratsuak; %34,45, betelana; %1,68, oso
esanguratsuak; %1,68, desegokiak; %0,84, teknikoki eskasak. Azken bi kategoria
horiek Kirol sailetan eman dira, batez ere. Hala ere, asteburuetan zein udako oporraldian,
albisteek agertzen dituzten elementu gehigarriak ez dira horren esanguratsuak
izaten.
3.1.6. Hizkera jatorra
‘Euskadi Irratia’-k darabilen hizkera euskalduntasunari jatorren egokitzen zaiona da.
Hortaz, kazetaritza senak garatutako hizkera baztertzen du, ahozkotasunak hobesten
duen jatortasunaren alde. Dena den, akats gramatikalak ohikoegiak izaten dira: albiste
bakoitzeko 0,16 akats, hain zuzen. Oinarrizko arauak hausten dituzten akatsak
izaten dira, gainera: ergatiboa (“Mariano Rajoiek [sic: Rajoik edo Raxoik] adierazi
du”, 2008/09/05) eta mugagabea (“Euskal Herriko 31 herrietan [sic: herritan]”,
2008/11/11), esaterako.
3.1.7. Kazetaritza-jarduera profesionala
‘Euskadi Irratia’-ren albistegintza-jarduerak kazetaritzaren profesionaltasun-arauak
taxuz betetzen ditu: albisteen jatorria, informazio-iturrien identifikazioa, gaurko-
The Radio is dead. Long live the Radio!