Radio is dead-Long live the Radio.pdf - Universidad del País Vasco

Hizkuntza gutxituak eta identitateak: irrati kazetarien perfilak...
ratzeko gaitasuna duten herrialdeak ditugu. Talde hauek gutxiengo nazional bezala
ulertzen ditugunak dira, historikoki berezko lur, hizkuntza eta balio kultural espezifiko
batzuen jabe direnak. Bestalde, aniztasun etnikoak herrialde batek etorkin multzo
handiak bere baitan asimilatzeko duen gaitasunari egiten dio erreferentzia; talde
hauek beraien desberdintasun kultural edo etnikoak mantenduko dituzte (Núñez de
Prado, 2003: 10).
Kultura-aniztasun terminoak adiera desberdinak hartzen ditut nazio-identitateenganako
gertutasunaren arabera. Kultura-aniztasuna arbuiatzen duten estatuek ekoizpen
kultural aberasgarria xaxatu dezakete aldi berean; beste herrialde batzuek aldiz,
kultura-aniztasunarenganako miresmena erakutsi eta ondoren folklore fosilizatu bihurtzen
dituzte bertako kultura gutxituak (Costa-Lascoux, 1995:158). Testuinguru
honetan aipatzekoa da masa-hedabideak errealitate multikultural hauei aurre egiteko
tresna garrantzitsuenetarikoak direla, egiazki, gizarte demokratikoen oinarrizko eta
nahitaezko osagaietarikoa dugu izaera askotako komunikabideen existentzia.
2. Hizkuntzak eta hedabideak
Maiz jo izan da hizkuntza nazio-nortasunaren elementu nagusienetarikotzat (Edwards,
2009; Fishman 1989), izan ere, hizkuntzak zeregin zinez garrantzitsua du
identitatearen eraikuntza eta garapenean. Nazio-identitateak komunitate baten
hizkuntzarekin eraikitzen den diskurtsoaren bitartez bizi dira, eta hain zuzen, hizkuntzaren
bitartez partekatu eta negoziatzen dugu gure identitatea beste gizabanako
batzuekin (Clément, Baker, Josephson and Noels, 2005). Aldi berean, hedabideek
egundainoko garrantzia dute diskurtsoak publiko jendetsuari helarazterako
unean, hedabideek hizkuntzaren eraginerako indarra bikoizten baitute. Horretarako,
funtsezkoa da hedabideen mezuen ekoizpenaz arduratzen den profesional taldeak
behar bezala garatutako kazetaritza terminoak izatea; egun oraindik Europa mailako
hizkuntza gutxituetako komunikabideetan hutsuneak ageri dira arlo horretan (Zabaleta
et al., 2008).
Masa-hedabideen bitartezko komunikazioa, kulturen arteko komunikaziorik garrantzitsuenetarikotzat
hartzen da (Barnett and Lee, 2002). Masa-hedabideak hizkuntza desberdinak
barne-hartu ditzaketen identitateen erabilera eta ezagutza garatzeko gai dira,
hizkuntzaren berezitasun kulturalak agertzen dituen ekoizpen eta kontsumo ereduak
ezarriz. Izan ere, bat gatoz komunikabideen kontsumoa identitatea taxutzeko prozesuaren
erdigunean kokatzen dela dioten adierazpenekin (Bly, 1996; Kellner, 1995; Kroker
and Cook, 1988; Willis, 1990). Horregatik komunikazio honetan irrati batzuen produkzio
lan horretan ari diren profesionalen nondik norakoak aztertzea dugu helburu,
alegia, hizkuntza gutxitu batean eduki mediatikoak sortzen dituztenen profilak zehaztea.
The Radio is dead. Long live the Radio!
345