LEWE NA APARTHEID: LIDMATE SE NARRATIEWE VANUIT 'N ...

Hoofstuk 2: Die oorsprong van die apartheidsverhaal
p88
Suid-Afrika rep hy nie ʼn woord nie.
3.1.6 Wit skuld
Daar is egter een kwessie wat meer as enige ander die emosies van wit mense op loop
sit en tot hewige, en soms onsmaaklike, briewewisseling en debatvoering in die
dagblaaie lei. Die vraag na wit skuld al dan nie bring ʼn weerstand en aggressie na vore
soos min ander sake kan. Van Niekerk (2011:elektroniese bron) stel sy standpunt
onomwonde: “As wit mense sit ons met enorme skuld ten opsigte van die verlede.” Hy
verwys ook na Naudé wat op sy beurt weer ʼn opvolgartikel skryf (Naudé
2011:elektroniese bron) waarin hy Van Niekerk beskuldig van veralgemenings en
steeds enige moontlike skuld ontken. Die reaksie wat hierdie twee se artikels oor wit
skuld tot gevolg gehad het, spreek boekdele.
In die reaksies op die artikels in die koerante, was daar nie ʼn enkele persoon wat
onomwonde erken het dat wit Afrikaners skuld het aan apartheid nie! Die naaste
daaraan is Stufflé (skuilnaam) wat reageer op Naudé (2011:elektroniese bron) deur te
sê: “Dit beteken nie apartheid was reg nie. Maar miskien beteken beteken (sic) dit dat
apartheid reg was vir sy tyd.” Kotze (2011:elektroniese bron) se vertrekpunt is weer dat
daar “weinig onskuldiges” is. Sy skulderkenning verwoord hy so tussen die verontskuldigings:
“Apartheid was verkeerd. Tydens segregasie in die VSA is swart mense
ge’lynch’. Die ANC se struggle was uiters wreed en het die dood van baie van hulle eie
mense gekos. Die ANC se onbeholpe kaders is huidiglik (sic) besig om Suid-Afrika te
vernietig.”
Aan die ander kant van die spektrum was die reaksie baie uitgesproke. Benewens die
algemene “kom ons beweeg aan” was daar ook diegene wat steeds oortuig was dat
apartheid ʼn goeie beleid was. So verklaar Henning (skuilnaam) in sy reaksie op Naudé
(2011:elektroniese bron): “Apartheid was toe after-all (sic) nie net 'n slegte ding nie. Op
die ou-end het dit meer goed as sleg ingehou vir AL (sic) die burgers van Suid Afrika.
So waaroor op dees aarde moet ek skuldig voel... Huu?”
Die weerstand teen die idee van wit mense wat skuldig moet voel oor apartheid was
nie beperk tot woorde in koerante nie. Op 14 Julie 2011 het Abel Malan, ’n sakeman
van Nelspruit en ’n kandidaat van die Volksraad-verkiesingskommissie (VVK) vir