LEWE NA APARTHEID: LIDMATE SE NARRATIEWE VANUIT 'N ...

Bylaag 10: Opvolggesprek met Mike en Naomi
p590
146
147
148
149
150
151
152
153
154
155
156
157
158
159
160
161
162
163
164
165
166
167
168
169
170
171
172
173
174
175
176
177
178
179
180
181
182
Mike: Ons geslag vind dit dalk bietjie makliker as die geslag bo ons. Ons het met albei
kante te doen gehad. Ons kan oordeel volgens wat ons ken en dit wat ons nou
belewe…
Naomi: Ek dink dit het tog te doen met die feit dat Mike, toe ons in Koffiefontein gebly
het, het hy ’n swart ingenieur gehad wat sy prakties wou doen om sy ticket te kry. En
hulle het by ons aan huis gekom, Ek meen dit was… soos ek en jy nou praat het ons
gepraat. Ek het die gym aangebied in Koffiefontein en sy vrou was deel van ons gymklas.
En sy het haar vriendinne ook saamgebring en ons het almal saam gegym.
Albert: Het dit iets te make met blootstelling, dat ’n mens mekaar beter leer ken as jy
meer aan mekaar bloot gestel word?
Mike: In hierdie geval wat sy nou genoem het, moet ek vir jou sê het dit vir my baie
meer te doen met… Daardie persone is bereid om ook hulle lewenspatroon en
standaard te lig. In plaas van dat hulle net gebly het waar hulle is en kla oor alles, het
hulle gekom en gesê ek kan ’n verskil maak. Ek kan my ticket kry. Ek kan ook ’n
ingenieur word. Dan kry jy respek vir sulke mense. Maar wat die breër publiek dalk sien
is die klomp wat net suip, en almal dan oor dieselfde kam skeer. Wat verkeerd is. Ek
kan vandag vir jou sê daar is blankes mense wat ek nie graag mee wil assosieer nie.
Vir watter rede ook al. Miskien omdat ek voel wat hulle sê en hoe hulle lewe, is nie
dieselfde ding nie.
Naomi: Maar nou moet nou vir jou sê Albert, met ’n tong in die kies. My bediende is
siek en nou het ek iemand nodig om te kom werk, hier vir net een dag. Ek was by haar
huis gewees en sy is nie daar nie, en langsaan is so opgeskote meisietjie en sy sê toe
sy is 20 en sy soek werk. En ek vra toe of sy my kan kom help vir die dag. Dis nou ons
seun se geslag. Vir hulle is dit niks snaaks om saam met… Die ou langs hom in die
skoolbank gesit het, was dalk ’n blanke kind, maar in elk geval wat toe nou gebeur het
hier by ons was vir ons twee skreeusnaaks en het ons nie geweet hoe om dit te
hanteer nie. Dis my opinie, ek weet nie hoe het Mike gevoel op daardie stadium nie. Jy
was ook maar ongemaklik. Die situasie het hom toe nou so afgespeel: Sy is toe nou
klaar gewerk en dit is nou etenstyd en ek is besig om my kos in te skep. Ek sien toe sy
het haar glas water gevat en kom sit toe nou hier en Mike het daar op die bank gelê en
was nie bewus van haar wat hier sit nie. Hy sit toe en televisie kyk en sy kyk ook
televisie. Ek roep haar toe en sê hier is haar kos, sy kan dit maar kom kry. En hy besef
toe hierdie persoon wat hier opstaan, dis nie nou ek wat hier kom sit nie maar dit is nou