LEWE NA APARTHEID: LIDMATE SE NARRATIEWE VANUIT 'N ...

Bylaag 14: Opvolggesprek met Isak
p656
329
330
331
332
333
334
335
336
337
338
339
340
341
342
343
344
345
346
347
348
349
350
351
352
353
354
355
356
357
358
359
360
361
362
363
364
365
wat dit ook maar gaan oor... maar vir my gaan dit daaroor hulle gebruik dit om eenheid
te probeer kry. Dit is amper ʼn sweep om die NG Kerk mee te slaan. Kyk, julle gaan
buig of so iets en dit is ook verkeerd. Ek dink as ʼn kerk gesê het ons bely... en die kerk
in daad moet wys ons leef die evangelie uit, ons verkondig die evangelie en ons bewys
die liefde en die vergifnis en die versoening. As jy dit uitleef nè, dan het... ek meen die
deur is oop as hier nou ʼn swart of gekleurde persoon dalk besluit hulle wil gaan kan
hulle gaan. Vir my, as die kerk iets wil doen, dan moet die kerk dit doen nie net omdat
dit die regte ding is om te doen nie. Die kerk moet nie met ʼn aksie kom omdat dit die
regte ding is om te doen nie. En die kerk moet nie kom ag ek sê mos alles draai
rondom... as ons iets wil doen moet ons dit net vir swart mense doen. Maar baie keer
wat die kerk doen, selfs daar by ons gaan dit oor as die kerke nou uitreik ja maar dit
gaan net oor swartes. As die kerk ʼn uitreik doen moet hy dit doen omdat dit die regte
ding is om te doen, omdat hy gelei is om dit te doen. As die kerk iets wil doen vir
versoening dan moet dit wees... nie kosmeties nie, maar omdat die Here die gemeente
lei en sê jy moet dit doen. Maar ek dink tog die kerk het gesê ons bely en dan moet jy
uitleef... Ek weet dit is nog moeilik, want baie mense sien die kerk nog as my kerk.
Daarbuite is die swarte baas, maar hier in my kerk, dit is my kerk hierdie jy weet. Ek wil
jou nie in my kerk hê nie, maar dit is eintlik nie my kerk nie...
Albert: Ek stem met jou saam daar is nog baie daarvan in die kerk, daai ding van orals
verander dinge, kom ons los dit in die kerk, kom ons verander nie by die kerk nie. Dit is
so half ʼn laaste bastion waar ek kan terugtrek uit ʼn wêreld wat dalk nie meer so
gemaklik is nie, maar by die kerk is dit darem nog ons mense.
Isak: En dit is juis die kerk wat ʼn verskil moet maak.
Albert: Is dit nie juis die ding uit die Nuwe Testament nie? Jy het ʼn nuwe gemeenskap
wat rondom die geloof gevorm word. Wat nie gekoppel is... soos Paulus sê of jy Griek
is of barbaar, man of vrou, slaaf of vry, dit is irrelevant. Die gewone sosiale norme is
nie veronderstel om in die kerk te tel nie.
Isak: Ek dink net die kerk het op ʼn manier ʼn groot geleentheid laat verbygaan dalk om
regtigwaar ʼn verskil te kan maak. Dit is moeilik ook want ek meen jy trek die rondtes,
party het die rondtes getrek, my broer het die rondte getrek uit die NG kerk. Hy is
Afrikaans en sy kind was lank in hierdie CVO skool gewees tot hulle gesien het sy
vorder nie. Toe is hulle Parys toe. Hy is in die gereformeerde kerk en hy word kwaad,
toe is hy na die Hervormde kerk toe en hy word toe kwaad, toe is hy na die APK kerk