LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p513
698
699
700
701
702
703
704
705
706
707
708
709
710
711
712
713
714
715
716
717
718
719
720
721
722
723
724
725
726
727
728
729
730
731
732
733
734
Hanlie: Jy het net-nou gevra hoe moet 'n mens dit doen. Ek dink dat die leiers sterk
moet standpunt stel, en is daar miskien blootstelling. Miskien is dit omdat ons nie
geleentheid gehad het in die verlede om te meng met Christene van ander kleure nie,
miskien moet ons juis uitgaan van die standpunt dat ons sulke dae of byeenkomste
moet reël, wat vrywillig bygewoon word deur ons gemeente se mense, waar ons dan
ander mense nooi om te kom, en hoe meer ons dan blootstelling het en met mekaar
kommunikeer, dink ek sal dit tog dalk 'n invloed hê. Miskien moet ons van
anderskleurige predikante gebruik maak wat Afrikaans is, want daar is wel tog pragtige
mense wat net so 'n wonderlike diens kan doen. Ek voel dat die apart hou, ek het baie
begrip vir wat hy gesê het van die taal en die formaat van die diens, die manier waarop
dit gedoen word, maar daar is tog maniere waarop 'n mens meer blootstelling aan
lidmate kan gee om hulle soort van gewoond te maak dat hulle kan agterkom, daar is
nie so 'n verskil nie, daar is nie so 'n verskil tussen die dinge waarvoor ons bid nie,
daar is nie so 'n verskil tussen die dinge wat ons nodig het nie, my emosionele
toestand is miskien te wyte daaraan, ons het vanmiddag 'n memorial service gehad vir
'n Standerd sewe kind wat homself geskiet het, en ek het gesit en kyk na die familie.
Daar is nie 'n verskil in die smart en die seerkry en in die hartseer en die ma-wees of
pa-wees nie. Ons het te min blootstelling.
Albert: Weer die ding van die twee wêrelde waarin ons lewe wat gelukkig nader aan
mekaar kom, maar nog ver vanmekaar af is.
Hanlie: Ek weet nie hoe gaan die mense reageer as hulle Sondag-oggend in die kerk
inkom en jy het 'n swart ds. wat preek nie. Ek weet nie hoe gaan hulle reageer as twee
kerke besluit ons doen 'n spesiale diens vanaand, want was vir my ook baie erg was, is
ek het altyd gegaan na die afsluiting van die Pinksterdienste wat dan NG kerk afsluiting
was. En die hoeveelheid wit mense wat gekom het was baie min, en wat my erg gepla
het, die predikante wat dit bygewoon het was geweldig min en in baie gevalle het
sommige gemeentes hulle aanddienste gekanselleer maar dan is die afkondiging
byvoorbeeld gemaak, daar is 3 uur 'n diens, by dit en dit se gemeente, maar ons finale
afsluiting van ons reeks, vind nog vanaand om 7 uur plaas. Ek het gedink dit was
verkeerd gedoen, dan sien ek omtrent 5 mense uit ons gemeente en dan sien ek nie
ons predikante nie.
Mike: Ek wil net gou antwoord op die vraag, wat kan die kerk doen. Hier sit ons, ons is
sewe mense, en ek dink nie twee van ons stem saam oor dieselfde ding nie, oor alles.
Ons sal oor punte verskil, dit is logies ook. En wanneer die kerk wil voorskryf, volgens