LEWE NA APARTHEID: LIDMATE SE NARRATIEWE VANUIT 'N ...

Bylaag 5: Gesprek 5 (6 Oktober 1998)
p474
Lewe na apartheid – Gesprek 5: 6 Oktober 1998
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
Albert: Ons het nou 'n lang breek gehad, wat sleg is, maar wat ook dalk goed was, dat
ons kon loskom van die proses en weer kon gaan dink het oor die goed. Ek weet nie of
julle daaroor gedink het nie.
Ek was intussen Pretoria toe en ons het lang ure gespandeer aan hierdie goed. Elkeen
het een uur gehad om te praat oor sy navorsing. Op die ou end het ons het twee ure
oor hierdie navorsing gepraat – ʼn baie sinvolle gesprek. Ek hoop om volgende week as
ek weer in Pretoria is by die Algemene Sinode, dan weer te gaan praat met 'n paar
ouens. Ek hoop om goeie terugvoer te kry.
Ek het vir julle geskryf dat ons moet praat oor hoeveel keer ons nog bymekaar moet
kom. My beplanning is dat ons nog vier sessies moet hê, ag altesaam. En dan moet
ons praat oor maniere waarop ek vir julle kan deurgee wat ek besig is om te skryf. Julle
raak mede-outeurs. Al word julle name nie by die naam genoem nie, raak julle medeverantwoordelik,
mede-aanspreeklik vir dit wat op die ou end op papier kom. Ek sal
graag wil hê dat julle op 'n manier betrokke moet wees daarby. Ons sou kon dink
daaraan om iewers in die loop van volgende jaar, dalk aan die einde van die eerste
kwartaal, 'n geleentheid te kry waar ons weer bymekaar is vir 'n opvolg gesprek; wat
ook al, net soos julle wil.
Het julle gedink oor die pad vorentoe? Ek wil julle graag betrek by dit wat ek skryf, want
ek skryf oor dit wat in hierdie groep gebeur. Dit wat julle gesê het, gaan 'n baie groot
deel uitmaak van wat in die proefskrif staan op die ou end. As ek daar goed sê, moet
ek myself gaan verantwoord teenoor julle oor hoekom ek dit sê. En julle het dan die reg
om van my te verskil.
Elsa: Kan jy nie maar soos jy nou maak met die gesprekke, deur uitdrukke te maak en
vir ons te gee nie? Dan kan ons daar deurgaan en vir jou terugvoering gee. Soos wat
ons op die oomblik maak.
Albert: dit sou dalk die maklikste wees.
Hanlie: Ek neem aan dit is 'n redelike lywige ding. Dit is nog in wording, nè?
Albert: Ja. Ons praat waarskynlik in die orde van so 250 bladsye.