LEWE NA APARTHEID: LIDMATE SE NARRATIEWE VANUIT 'N ...

Bylaag 12: Opvolggesprek met Hanlie
p619
363
364
365
366
367
368
369
370
371
372
373
374
375
376
377
378
379
380
381
382
383
384
385
386
387
388
389
390
391
392
393
394
395
396
397
Hanlie: Ja dit is ʼn totale denial, absolute denial. Daar is soveel dinge wat mense in
hierdie veral in die ekonomiese omstandighede en in korrupsie wat ʼn mens van bewus
is wat mense so ontstel dat hulle kan amper nie meer die goeie kan raaksien nie.
Albert: Maar is daai ontsteltenis... Ons maak baie keer die fout dink ek om te dink dat
die ontsteltenis net by wit mense is, terwyl dit dwarsdeur die bank is. Jy kry net soveel
swart mense in Suid-Afrika wat net so ontsteld is oor bedrog en korrupsie en goeters
terwyl ons half nog steeds geneig is om dit in ʼn wit-swart terme te sit. Ons wittes, ons is
bekommerd want die swart mense pleeg bedrog en steel.
Hanlie: Ja, iets wat nou glad nie nodig is vir jou tesis nie, maar my sus se seun gaan
gister die Bulle kyk, ag ek bedoel Saterdag middag die Bulle kyk. Kyk ek is nou glad
nie ʼn Bul nie, maar speel daai Bulle! En ek dog ek moet gou vir J ʼn boodskap stuur. Ek
stuur vir hom jy weet ek is nie ʼn Bul fan nie maar nou speel jou Bulle darem. En hy
stuur vir my toe ʼn foto’tjie terug van die veld, hy is toe daar. Tannie ek sê net whoa! En
omtrent vier ure daarna kry ek ʼn oproep. Hy het uit die losie gestap waar hy gesit het
aan die einde van die wedstryd en ʼn man het hom aangeval en hom absoluut
aangerand, hy is in die hospitaal. Hy ken die man van geen aard af nie, hy het nie sy
mond oop gemaak nie. Buitendien almal wat daar was, was tog seker Bul
ondersteuners dit is tog nie ʼn wedstryd tussen die Bulle en die Stormers of die Sharks
nie. Die man is gearresteer deur die polisie en later toe ek nou praat so besef ek dit is
ʼn wit man wat hom aangeval het en ons is so geneig om te dink as jy hoor van enige
mugging of aanval of wat ook al, diefstal, dan dink jy dit is swart. Dit is in ons al van
ons kinderdae af. En dit was ʼn wit man wat hom so aangeval het. En nou die dag was
op die nuus van die stropers van die renosters. Hier wys hulle die hofsaak, hier wys
hulle die ouens wat gearresteer is, sewe van hulle dink ek – meeste van die Kruger
Wildtuin en van hier in die Vrystaat – staan voor in die beskuldigingsbank, al sewe wit
manne. Ek sit en dink hoekom het ek so gedink dit is die wildbewaarders, die swart
wildbewaarders wat seker omgekoop is om vir een of ander sindikaat te sê waar is die
renosters vandag. Hier staan die ouens. So tog nog steeds ʼn totale wanpersepsie.
Albert: Daai ding is so in ons in dat ons eerste gedagte is, is dit wit of swart?
Hanlie: Ja, maar jy neem dit so half aan.