LEWE NA APARTHEID: LIDMATE SE NARRATIEWE VANUIT 'N ...

Hoofstuk 2: Die oorsprong van die apartheidsverhaal
p83
seksueel-losbandige persoon. Hy was ook reeds ses keer getroud en het tans vier
vroue. Daarby word beraam dat hy twintig kinders by tien verskillende vroue het (Laing
2012:elektroniese bron). Hierdie patroon maak hom die teiken van verskillende
kunstenaars. Só hou die Goodman Galery in Johannesburg in Mei 2012 ʼn eenmanuitstalling
van Brett Murray met die titel Hail to the Thief II waarin die skilder sosiale
kritiek lewer op die ANC. Die aandag word veral getrek deur die skildery The Spear
waarin Zuma met ontblote geslagsdele uitgebeeld word en die skilder spot met Zuma
se seksuele lewe (Blignaut 2012:elektroniese bron).
Dit is nie alleen die president van die land wat dinge doen wat die wit kiesers omkrap
nie; die ANC se jeugliga is voortdurend in die nuus oor uitsprake wat as
onverantwoordelik beskryf kan word. Die president van die Jeugliga Julius Malema is
reeds etlike jare in die nuus oor sy oproep tot nasionalisering van die land se myne en
banke. Hy het openlik "ekonomiese oorlog" teen die "wit minderheid" verklaar (News24
2011:elektroniese bron). Dít tesame met sy gebruik van die slagspreuk Kill the Boer –
wat die Gelykheidshof (Lamont 2011) as haatspraak uitgewys het – maak hom tans
baie ongewild onder wit Afrikaners. Hy is sedertdien geskors as lid van die ANC
(Quintal 2012:elektroniese bron), maar daar is voortdurend stemme wat opgaan om sy
skorsing ongedaan te maak.
3.1.4 Dienslewering
Die bestuur van die land se infrastruktuur bly voortdurend onder druk. In 2008 erken
die regering dat hulle swak beplanning gelei het tot die wanbalans tussen aanvraag en
voorsiening in elektrisiteit deur Eskom (Suid-Afrika se energiekrisis 2009:elektroniese
bron). Ook die damme en riviere is jarelank reeds onder druk as gevolg van swak
bestuur (Tempelhoff 2008 en 2012). Op plaaslike vlak boesem die politici nie veel meer
vertroue in nie. Swart-beheerde munisipaliteite slaag al minder en minder in
dienslewering (Steenkamp 2009:1) en sienderoë gaan infrastruktuur en munisipale
“regspleging en orde” (Green 2011:1) agteruit. In een van Welkom se buurdorpe,
Odendaalsrus, is dit nie vreemd om beeste en varke in die nywerheidsgebied te sien
rondloop nie. Die meeste van dié diere “behoort aan onderwysers, polisielede en selfs
boere” (Green 2011:1). Selfs ʼn gerespekteerde politieke ontleder soos Moeletsi Mbeki
het hy geantwoord dat hy, nadat hy gemeenskap gehad het met die klaagster, gestort het om hom teen
die MI-virus te beskerm.