LEWE NA APARTHEID: LIDMATE SE NARRATIEWE VANUIT 'N ...

Hoofstuk 1: Apartheid onder die loep geneem
p38
word. Verskillende posisies word ondersoek om te bepaal wat hierdie waarheid
geïnformeer het. Sosiale konstruksiediskoers moedig ons aan “...to examine our
constructions and stories – how they have come to be and what their effects are on
ourselves and others” (Freedman & Combs 1996:35). Uiteraard geskied hierdie
ondersoek in die lig van die “not-knowing”-benadering (Anderson & Goolishian 1992)
waarin erken word dat elke persoon sy of haar lewe die beste ken.
9.2.2 Pastorale teorievorming
Op die gebied van die praktiese teologie het daar oor die afgelope dekade of twee
verskeie belangrike verskuiwings plaasgevind wat elkeen bepaalde invloede het op
hierdie studie. Só sê Louw (1997:22) byvoorbeeld dat die pastoraat nie bloot van 'n
individuele benadering gebruik kan maak nie, maar gedwing word om probleme
kontekstueel te benader. Graham (1992:19) steun 'n psigosistemiese benadering in
pastorale sorg: “The nature of the human personality is understood in contextual rather
than individualistic terms.”
Oor jare is baie gemaak van individue se persoonlike bronne vir probleemoplossing,
eie onafhanklike prestasies en selfrealisering. Hierteenoor is daar tans 'n verskuiwing in
die rigting van die psigosistemiese dinamika waar klem gelê word op die netwerk van
verbintenisse en strukture binne 'n sosiale en kulturele konteks. In hierdie
“ekosistemiese denke” (Louw 1997:22) word gepoog om die probleem nie net binne
konteks te verstaan nie, maar om die geheel self te verstaan.
Prakties beteken dit 'n herwaardering van die kerk as liggaam van Christus as 'n
geloofsnetwerk wat verantwoordelik is vir onderlinge sorg vir mekaar en 'n wedersydse
positiewe invloed. Hierdie onderlinge sorg word in die Bybel aangedui met die Griekse
woord koinonia. In die navorsingsproses het dit sigbaar geword in die mede-navorsers
wat as gelowiges na mekaar omgesien het deur mekaar se stories aan te hoor, maar
ook deur mekaar uit te daag in terme van hulle eie verstaan van die Bybelse boodskap.
Die tweede belangrike verskuiwing is 'n paradigmatiese verskuiwing. Paradigma
verwys hier na die geheel van opvattings, waardes en tegnieke wat deur mense vanuit
'n ondersoekposisie hanteer word. Burton (1988:9) beskryf 'n paradigma as “a
theoretical and working model of a world view according to which a person, group or