LEWE NA APARTHEID: LIDMATE SE NARRATIEWE VANUIT 'N ...

Bylaag 6: Gesprek 6 (27 Oktober 1998)
p499
184
185
186
187
188
189
190
191
192
193
194
195
196
197
198
199
200
201
202
203
204
205
206
207
208
209
210
211
212
213
214
215
216
217
218
219
220
Hanlie: Ek vra die vraag so snaaks, omdat ek dink 'n baie groot persentasie mense nog
steeds dit sou verkies ………………
Johan: Ek sou graag hier wou inkom, want ek is een van daai. Ek praat nie van
verpligte segregasie nie, waar die een minder geleenthede het as die ander een nie, ek
praat van, gun my die geleentheid om in Afrikaans skool te gaan, gun my die
geleentheid om in Afrikaans kerk toe te gaan, dit is my taal, dit gaan nie oor swart en
wit nie.
Hanlie: So dit gaan oor die taal by jou.
Johan: Dit gaan oor die kultuur. Ek is nie 'n Zoeloe nie, wat wil ek met Zoeloe kultuur
maak? Gun my om 'n Westerse opera in die Staatsteater te gaan kyk, moet dit nie wil
wegvat net omdat ek die minderheid in SA is nie. Dit is net so verkeerd as wat ons
gehad het, wat jy dit noem weet ek nie, dit is seker obviously nie aparte ontwikkeling
nie. Maar gun my wat ek is, om ook te wees in die nuwe land. Ek wil net iets noem, ek
weet nie of mense hierdie ding gesien het van die Hervormde Kerk. Ek gaan vir elkeen
enetjie gee, dit bly by die kerk. Toe ek dit lees, toe sê ek ja dit bevestig my punt.
Albert: As ek net die eerste paragraaf kan lees: “Dit maak nie sin vir die Hervormde
Kerk om te bely oor apartheid nie, want Afrikaners voel doodgewoon nie skuldig nie”
skryf die Hervormer as amptelike spreekbuis van die Hervormde Kerk na aanleiding
van die debat wat ontstaan het. Wat sê julle daarvan?
Johan: Veral hierso, party mense voer aan dat hulle nie bewus was van die moorde en
menseregte skendings en dat hulle afsonderlike ontwikkeling ondersteun het, en nie
moord nie. Die destydse gebeure moet gesien word teen die agtergrond van 'n
burgeroorlog. Al hierdie dinge wat ons nou hoor voor die WVK, wreedhede, dit is nie
alles as gevolg van apartheid gepleeg nie. Daai ouens het uitgerafel omdat hulle iets
anders verdedig het as apartheid. Ons het laas ook oor die kommunistiese bedreiging
gepraat, waar party ouens gesê het dit is nie so erg nie.
Albert: My vraag is net, as ouens hierdie tipe van teen-argumente voer, van die
moorde, die mense regte skendings en so aan, ek stem 100% daarmee saam want ek
was ook nie bewus van die goed nie. Maar wat 'n mens wel tog moet sê is dat ons
sommige van daai goeters, ten minste vermoed het. Al het ons nie bewyse gehad nie,
was daar die gerugte van die goed. Dit aan die een kant. Maar dit is vir my om die punt