LEWE NA APARTHEID: LIDMATE SE NARRATIEWE VANUIT 'N ...

Hoofstuk 4: Die verhaal oor apartheid – teenswoordige tyd
p232
Wanneer Kuperus (2011:7) verwys na die NG Kerk se rol in die nuwe Suid-Afrika,
beskryf sy dit as “Inconsequential, but not absent.” Oor die stem van die NG Kerk
gebruik sy woorde soos “muted,” “reluctant” en “more divided” (Kuperus 2011:9). Ten
spyte van die NG Kerk se her-verbintenis tot die Afrika kontinent en ekumeniese
betrekkinge met ander kerke, reken sy “it appears as though the NGK’s public
engagement may be shifting back to a position as ‘defender of its flock’” (Kuperus
2011:11). Hierdie posisie word ondersteun deur Cilliers (2011:elektroniese bron) as hy,
met verwysing na die antropoloog Mary Douglas se sosiale kontekste, aantoon dat
daar tekens is dat die NG Kerk weer besig is om ʼn nuwe enklawe van afsondering te
skep.
Vir Kuperus (2011:11) is die NG Kerk se sukkelpad in die hereniging met die VGK en
die ander kerke van die NG Kerk-familie die grootste teken van hierdie terugtrek-aksie:
“The NGK’s reluctance to pursue church unification is the most obvious sign of the
NGK’s most recent shift, but other evidence exists...”. Hieroor vra Mike [10-308] die
voor die handliggende vraag: “Hoekom is daar in ons kerk net blanke
mense?”
4.5.3 Die NG Kerk en kerkhereniging
Dat die belydenis van Belhar in die gedagtes van lidmate die kernkwessie oor
kerkhereniging is, is duidelik: Die Gereformeerde kerke – NG Kerk – spook
steeds met die Belhar belydenis en die kerkeenheid. Ek dink dit
is jammer [Isak 16-390] en Soos wat die NG Kerk gekom het met baie
goeters oor jare... hak hulle vas by die belydenis van Belhar
[Frans 9-758]. Ons lees die Kerkbode en al wat ek daar sien en wat
ek al so fed-up is, is die Belhar belydenis. Hulle mors die tyd
om siele te wen met die Belhar beleid [Danie 13-328].
Die inhoud van die Belhar belydenis dra vir verskillende mense verskillende gewig.
Danie [13-562] distansieer homself geheel en al van die belydenis: Hulle moet dit
los, dit is ʼn afgeforseer belydenis wat vir my niks beteken nie
terwyl dit vir Linda [13-571] bloot mensewerk is – asof die ander belydenisskrifte nie
ook mensewerk is nie: Dit is ʼn belydenis wat deur mense geskryf is en
ons bely ʼn lewende God. Verstaan jy? En dit is die punt. Ons wil