LEWE NA APARTHEID: LIDMATE SE NARRATIEWE VANUIT 'N ...

Bylaag 19: Uitnodiging
p715
Ned. Geref. Gemeente Welkom-Suid
Posbus 1561, Welkom, 9460
Beste ____
Jy word genooi om te kom deelneem aan die besprekingsgroep "Hoe leef ons in die
nuwe SA?"
In die jongste Kerkbode skryf die redakteur in die hoofartikel die volgende:
Moderne Afrikaners het in sommige gevalle probleme met hulle verlede, is
in baie gevalle ontevrede met hulle hede en is in die meeste gevalle
onseker oor hulle toekoms. As daar 'n tyd was dat Afrikaners diep en
ernstig oor hulleself moes nadink, is dit seker nóú... Gaum, F, Die
Kerkbode 17 Julie 1998, pp.4.
Ek reël 'n reeks byeenkomste om te praat oor hierdie baie aktuele saak. Die doel van
die vergadering is om lidmate te begelei om 'n sukses van die "nuwe" Suid Afrika te
maak. Dit proses sal ook opgeteken word en sal, met die goedkeuring van die lede van
die groep, die basis vorm van my doktorale navorsing. Die eerste byeenkoms vind
plaas op 30 Julie om 6.50 vir 7nm in die Koffiekamer. Hierdie geleentheid sal gebruik
word vir die volgende:
Uiteensetting van die doelwitte vir die byeenkomste.
Beplanning vir die res van die byeenkomste.
Vasstelling van reëls vir die gesprek.
Geleentheid om mekaar te leer ken as mense wat elkeen 'n unieke belewenis het
in die nuwe SA.
Tydens die daaropvolgende sewe byeenkomste sal ons aandag gee aan die
volgende sake (nie noodwendig in hierdie volgorde nie):
Hoe het apartheid in jou lewe gekom en watter rol het dit gespeel?
Hoe het ons in die verlede gedink oor apartheid?
Hoe dink ons nou daaroor?
Hoe het ons gedink het swart (d.i. nie-blanke) mense gedink oor apartheid?
Waarvan het ons geweet of nie geweet nie (of wou ons nie weet nie) in die ou
Suid-Afrika?