LEWE NA APARTHEID: LIDMATE SE NARRATIEWE VANUIT 'N ...

Hoofstuk 2: Die oorsprong van die apartheidsverhaal
p64
stemreg vir swartes afgeskaf [Danie 2-206]. ʼn Standpunt hieroor wat
meermale gehoor is, is die volgende: Die NP het hierdie rasse-wette geërf
en dit verfyn, hulle praat van hulle het dit gesistematiseer
[Danie 2-183].
Segregasie was aan die orde van die dag, nie net plaaslik nie, maar ook internasionaal.
Hilliard (1998) mag wel beweer dat Suid-Afrika uit pas was met die res van die wêreld
in 1948, maar toe die Wet op die Verbod op Gemengde Huwelike in 1949 goedgekeur
is, was dit ook wet in dertig Amerikaanse state (Giliomee 1998:14). Plaaslik was
segregasie aan die orde van die dag. Swanepoel (1997:105) haal vir Welsh, die
skrywer van The roots of segregation: native policy in colonial Natal, 1845-1910 aan: "It
is a myth that apartheid is the exclusive product of Afrikaner nationalism: its
antecedents are to be found in Natal rather than in any of the other provinces." Dan
gaan hy voort en skryf dat hy eers onlangs ontdek het dat daar was “voor die veertig
jaar van apartheidsregering ʼn honderd en twee jaar se imperiale en koloniale regering
in KwaZulu-Natal” (1997:105). Reeds in 1848 was een kwart van die swart bevolking
van KwaZulu-Natal van hulle tradisionele grond verskuif (94) en meer as een miljoen
hektaar Zulu-landbougrond is vir wit boere gegee deur die Britse koloniale regering
(Swanepoel 1997:91). Kinghorn (1994:149) stel dit so: “Officially apartheid came into
being in 1948, but much of the legislation associated with apartheid dates back to the
period before. In fact, the first segregation legislation in South Africa can be found in
the previous century in Natal.” Ook ander bronne ondersteun hierdie standpunt: “Die
Engelse koloniste het die voorbeeld gestel in ons land” (De Klerk 2000:37).
Rassisme was nie die alleenreg van die Afrikaner nie (Villa-Vicencio & Niehaus
1995:18). Die Britse minister van Naturelle Sake word aangehaal dat hy in 1910 gesê
het: "The black man is incapable of civilization" (Swanepoel 1997:90). In die groep
rapporteer Danie oor sy eie navorsing rakende die militante vakbonde in die tydperk
1880 tot 1890: Daar (was) ’n Engelsman in beheer van hierdie
vakbonde, in hulle geskrifte is daar gevind hierdie manne het
gepraat van the dirty, evil, smelling kaffirs [Danie 2-195].
Rassisme was inderdaad ʼn internasionale aangeleentheid waarteen die plaaslike
bevolking nie immuun was nie. Davidson (1987:3) maak hierdie opmerking "The racism
that we know was born in Europe and America from the cultural need to justify doing to
black people, doing to African people, what could not morally or legally be done to