LEWE NA APARTHEID: LIDMATE SE NARRATIEWE VANUIT 'N ...

Bylaag 9: Opvolggesprek met Elsa en Frans
p582
773
774
775
776
777
778
779
780
781
782
783
784
785
786
787
788
789
790
791
792
793
794
795
796
797
798
799
800
801
802
803
804
805
806
807
808
809
Elsa: Ek beleef nie rêrig so iets nie. Frans sê nou vir jou ons gaan nie meer kerk toe
nie, maar in die tye wat ek in die kerk gekom het, gaan jy soontoe en dit is die gewone
ritueel, daar word uit die Bybel gelees en daar word vir jou gepreek. Ek het bitter min
gehoor oor hoe ons onself moet verander teenoor ander rasse en moet versoen met
die mense. Wat daar vir ons gesê is apartheid is ʼn euwel, ek het dit nie van die kansel
af gehoor nie.
Albert: Met ander woorde die kerk is nog soos altyd, dis business as usual.
Elsa: Weet jy hoe voel ek oor die kerk deesdae? Dit is ʼn klub. Die NG Kerk hier is ʼn
klub waaraan sekere groepe mense behoort wat graag soontoe wil gaan. Dit is nie oop
vir enige ou nie. Die swart mense gaan nog steeds nie na ons kerk toe nie. Die bruin
mense gaan nog steeds nie na ons kerk toe nie. Ten spyte daarvan dat die kerk jare
gelede oopgestel is. Daar is nie... die gesindheid is nog nie oop nie. Ek meen die NG
kerke is nog nie een nie, daar is nog steeds verskillende NG kerke vir die swartes en
die bruines en die wit mense. Ek meen, wat wys dit vir die lidmate van apartheid.
Albert: Nee ek hoor jou, nou daar is seker uiteraard baie wat ʼn mens daaroor kan sê,
maar ek dink jy is reg om te sê die gesindheid binne die kerke nog nie oop nie. Op
papier is die kerke oop. Dit is interessant, ek het nou die Sondag gepreek... Ek preek
vanjaar uit en uit volgens die leesrooster wat veral by die Engelse kerke gebruik word.
Die gedeelte nou die Sondag was Johannes sewentien van vers twintig waar Jesus vir
die dissipels bid. Dan bid Hy pertinent vir eenheid, want hy sê dat julle eenheid sal
maak dat die wêreld glo. Toe noem ek dit as ʼn voorbeeld dat die kerk in sy gesindheid
ʼn oop ontvanklike houding moet hê vir mense anders is as ons. Want die eenheid in
die kerk het niks te make met die eendersheid dat almal soos ek moet wees nie. Ons
moet ʼn eenheid met Christus wees wat na vore moet kom en so aan. Maar toe ek
daaroor preek toe dink ek ook daaroor maar ons is nie baie oop daaroor nie.
Elsa: Kyk ek het vir ʼn tyd lank ʼn Bybelstudiegroep hier bygewoon. En nou luister ek
maar so waaroor die vrouens praat. Ek bly liewers deesdae weg, ek kom te sterk oor
met wat ek wil sê. Mense neem aanstoot daaroor. Maar dat... die groot storie vir die
mense, die groepie wat ek nou daar bygewoon het, hoekom hulle nie wil hê die kerke
moet saamsmelt nie. Want dan gaan die swartes ons kerke oorstroom. So dit is nog
steeds hulle houding. Maar ek meen, goed wie is nou eintlik die kerk maar dit is die
sinode wat op die ou einde die besluit moet neem. Ek meen die sinode bestaan maar
uit lidmate en uit predikante uit. So maar dit is nog steeds die mense se houding. Hulle