LEWE NA APARTHEID: LIDMATE SE NARRATIEWE VANUIT 'N ...

Hoofstuk 5: Die post-apartheid verhaal?
p330
In terme van die inhoud van die gesprekke sou die mede-navorsers dalk meer
uitgedaag kon word om hulle posisies rakende apartheid meer indringend te
ondersoek. Hiermee saam sou die temas ook meer indringend bespreek kon word.
Soms was die ongestruktureerde gesprekke dalk net te ongestruktureerd om die
maksimum bydrae te lewer.
12.3 Toekomstige temas
Hierdie verhaal van ʼn einde is geensins ʼn einde nie. Na regte moet die navorsingsverslag
eindig met ʼn punt, maar eintlik sou ʼn kommapunt meer gepas wees. In ʼn
sekere sin bied hierdie navorsing net ʼn wegspring vir verdere studie.
Verdere navorsers sou waarskynlik baie stof kon vind vir verdere studie. Benewens die
beperkings hierbo genoem, sou ʼn volgende navorser in meer diepte kan gaan kyk na
die rol van die NG Kerk in die begeleiding van lidmate in die post-apartheid Suid-Afrika.
Die tema van versoening verdien ook ʼn meer in-diepte ondersoek.
Saam met dit wat so pas gesê is, moet ook genoem word dat die stryd rondom Belhar
in ʼn sin reeds verouderd is, al is dit iets wat die NG Kerk tog nog sal moet hanteer. ʼn
Groter probleem is die kwessie van relatiewe armoede en welvaart. Die NG Kerk sal al
meer as God se verteenwoordigers op aarde hierby betrokke moet raak.
Hierdie verslag eindig hier, maar skep terselfde tyd ʼn nuwe nou vir die volgende
navorser; ....
. - . . - - . . - .